മലപ്പുറം തവനൂരില്‍ കോവിഡ് നിരീക്ഷണത്തിലായിരുന്ന കുട്ടിയെ മരിച്ച നിലയില്‍ കണ്ടെത്തി. കൊണ്ടോട്ടി സ്വദേശി മുഹമ്മദ് ജാസില്‍(15) ആണ് തൂങ്ങി മരിച്ച നിലയിൽ കണ്ടെത്തിയത്. ചില്‍ഡ്രന്‍സ് ഹോമില്‍ നിരീക്ഷണത്തില്‍ ആയിരുന്നു മുഹമ്മദ് ജാസില്‍.
കുറച്ചു ദിവസങ്ങള്‍ക്ക് മുൻപ് വീടുവിട്ടിറങ്ങിയ ജാസിലിനെ കോഴിക്കോട് നിന്നും പോലീസ് കണ്ടെത്തിയിരുന്നു.വീട്ടിലേക്ക് അയക്കുന്നതിന് മുൻപ് മുന്‍കരുതലിന്റെ ഭാഗമായി ചില്‍ഡ്രന്‍സ് ഹോമിലെ കോവിഡ് നിരീക്ഷണത്തില്‍ പാര്‍പ്പിച്ചതായിരുന്നു. ഇന്ന് രാവിലെയാണ് ജാസിലിനെ മുറിയില്‍ തൂങ്ങിമരിച്ച നിലയില്‍ കണ്ടെത്തിയത്.