സംസ്ഥാന കെട്ടിട നിർമ്മാണ തൊഴിലാളി ക്ഷേമനിധി ബോർഡിലെ അംഗങ്ങളുടെ മക്കളിൽ നിന്നും 2020-21 അദ്ധ്യയന വർഷത്തിലെ എസ്.എസ്.എൽ.സി, ഉന്നത പഠനസഹായത്തിന് അപേക്ഷ ക്ഷണിച്ചു. നിർദ്ദിഷ്ട ഫോറത്തിലുള്ള അപേക്ഷ, ക്ഷേമനിധി ബോർഡ് പാസ്ബുക്കിന്റെ ആദ്യ പേജ് മുതൽ അടച്ചതുവരെയും ഐഡന്ററ്റി കാർഡിന്റെ ആദ്യപേജ് മുതൽ ഒമ്പതാം പേജ് വരെയുള്ള പകർപ്പ്, അപേക്ഷകരായ തൊഴിലാളികളുടെ നാഷണലൈസ്ഡ്/ ഷെഡ്യൂൾഡ് ബാങ്ക് അക്കൗണ്ട് പകർപ്പ് സഹിതം ജൂലൈ 15 മുതൽ ഓഗസ്റ്റ് 31 വരെ ജില്ലാ ഓഫീസിൽ അപേക്ഷ നൽകാം. അപേക്ഷ സമർപ്പിക്കാൻ വരുന്നവർ കോവിഡ്-19 സുരക്ഷാ മാനദണ്ഡങ്ങൾ പാലിക്കണമെന്ന് ജില്ലാ എക്സിക്യൂട്ടീവ് ഓഫീസർ അറിയിച്ചു.
