ലക്നോ : 2,500 രൂപക്ക് കോവിഡ് നെഗറ്റീവ് റിപ്പോര്ട്ട് എന്ന പ്രചാരണം നടത്തിയ ആശുപത്രിയുടെ ലൈസന്സ് റദ്ദാക്കി. സര്ട്ടിഫിക്കറ്റ് കൊടുക്കുന്ന വിവരം വീഡിയോയിലൂടെ പ്രചരിപ്പിച്ച ആശുപത്രി ജീവനക്കാരനെതിരെ കേസ് എടുക്കുകയും ലൈസന്സ് റദ്ദാക്കുകയും ചെയ്തതായി മീററ്റ് ഡി എം ഒ രാജ് കുമാര് പറഞ്ഞു. വീഡിയോ പ്രചരിപ്പിച്ചയാള് ഇതേ ആശുപത്രിയിലെ ജീവനക്കാരനാണ്.
ഉത്തര്പ്രദേശിലെ മീററ്റില് പ്രവര്ത്തിക്കുന്ന സ്വകാര്യ ആശുപത്രിയിലാണ് സംഭവം. വീഡിയോ വ്യാപകമായി പ്രചരിച്ചതോടെയാണ് അധികാരികളുടെ ശ്രദ്ധയില്പെട്ടത്. തുടര്ന്നായിരുന്നു നടപടി. ഇത്തരത്തില് ഒരു പ്രതിസന്ധി നേരിടുന്ന സമയത്ത് ഇത്തരം പ്രവര്ത്തികള് ചെയ്യുന്നവര് ആരായാലും അവര്ക്കെതിരെ കര്ശന നിയമനടപടികള് സ്വീകരിക്കുമെന്ന് മീററ്റ് ജില്ലാ മജിസ്ട്രേറ്റ് പറഞ്ഞു