Asian Metro News

കുമ്മട്ടിക്കാവ് സംരക്ഷിക്കണമെന്ന് ആവശ്യപ്പെട്ട് പാക്കനാരുടെ പിൻമുറക്കാർ

 Breaking News
  • പത്താം ക്ലാസിലെ മുഴുവന്‍ വിദ്യാര്‍ഥികളും വിജയിച്ചതായി പ്രഖ്യാപിച്ച് തമിഴ്‌നാട്ടില്‍ സര്‍ക്കാര്‍. ചെന്നൈ:പത്താം ക്ലാസിലെ മുഴുവന്‍ വിദ്യാര്‍ഥികളും വിജയിച്ചതായി പ്രഖ്യാപിച്ച് തമിഴ്‌നാട്ടില്‍ സര്‍ക്കാര്‍. 9, 11 ക്ലാസുകളിലെ വിദ്യാര്‍ഥികളേയും വിജയികളായി പ്രഖ്യാപിച്ചു. വിദ്യാര്‍ഥികള്‍ക്ക് പരീക്ഷയുണ്ടാകില്ലെന്നും മുഖ്യമന്ത്രി എടപ്പാടി പളനിസ്വാമി അറിയിച്ചു. കോവിഡ് വ്യാപനം മൂലം ക്ലാസുകള്‍ പൂര്‍ത്തിയാക്കാന്‍ സാധിക്കാതെ വന്നതോടെയാണ് പരീക്ഷ ഒഴിവാക്കാന്‍ തീരുമാനമായത്....
  • കവി വിഷ്ണു നാരായണൻ നമ്പൂതിരി അന്തരിച്ചു തിരുവനന്തപുരം: കവി വിഷ്ണു നാരായണൻ നമ്പൂതിരി അന്തരിച്ചു. 81 വയസായിരുന്നു. തിരുവനന്തപുരം തൈക്കാട്ടെ വസതിയിലാണ് അന്ത്യം. രാജ്യം പത്മശ്രീ നൽകി ആദരിച്ചിരുന്നു. കേരള സാഹിത്യ അക്കാദമി പുരസ്കാരം, കേന്ദ്ര സാഹിത്യ അക്കാദമി ഫെല്ലോഷിപ്പ്, എഴുത്തച്ഛന്‍ പുരസ്‌കാരം തുടങ്ങി നിരവധി പുരസ്കാരങ്ങൾ നേടിയ...
  • കൊട്ടാരക്കരയിൽ കെ എസ് ആർ റ്റി സി ബസ് കടത്തിയയാൾ പിടിയിൽ കൊട്ടാരക്കര കെ എസ് ആർ റ്റി സി ബസ് സ്റ്റേഷന് സമീപം റോഡിൽ നിർത്തിയിട്ടിരുന്ന ബസ് കടത്തി കൊണ്ട് പോയ ടിപ്പർ അനി എന്ന് വിളിക്കപ്പെടുന്ന തിരുവനന്തപുരം മുക്കിൽകട വി എസ് നിവാസിൽ വിജയദാസ് മകൻ നിധിൻ വി എസ് ആണ്...
  • കുണ്ടറയില്‍ വാഹനാപകടം: 7ലധികം പേര്‍ക്ക് പരിക്ക് കുണ്ടറയില്‍ രോഗിയുമായി പോയ ആംബുലന്‍സും കാറും കൂട്ടിയിടിച്ചു 7ലധികം പേര്‍ക്ക് പരിക്കേറ്റു. വെണ്ടാർ വടക്കേടത്ത് വീട്ടിൽ വിഷ്ണു(22). മാവടി കൊച്ചുവീട് തെക്കേക്കര കൊച്ചുവീട്ടിൽ ശ്യാംദേവ്(22), വെണ്ടാർ ചരുവിള പുത്തൻവീട്ടിൽ ഹരി(21), കൊട്ടാരക്കര കിഴക്കേക്കര ഉണ്ണിക്കുട്ടൻ(27), വെണ്ടാർ തിരുവോണത്തിൽ വിഷ്ണു(22), വെണ്ടാർ തിരുവോണത്തിൽ...
  • SMKIA ജില്ലാ സമ്മേളനം കൽപ്പറ്റ : നീതി ലഭിക്കാനായി ഡൽഹിയിൽ സമരം ചെയ്യുന്ന നമ്മുടെ അന്നദാതാക്കൾക്കു ഐഖ്യദാർഢ്യം പ്രകടിപ്പിച്ചുകൊണ്ട്സ്റ്റേറ്റ് മാപ്പിള കലാ അസോസിയേഷൻ വയനാട് ജില്ലാ പ്രഥമ സമ്മേളനം കൽപ്പറ്റ എച്ച്. ഐ .എം യൂ .പി .സ്കൂളിന്റെ ഓഡിറ്റോറിയത്തിൽ വെച്ച് ഫെബ്രുവരി 20 നു...

കുമ്മട്ടിക്കാവ് സംരക്ഷിക്കണമെന്ന് ആവശ്യപ്പെട്ട് പാക്കനാരുടെ പിൻമുറക്കാർ

കുമ്മട്ടിക്കാവ് സംരക്ഷിക്കണമെന്ന് ആവശ്യപ്പെട്ട് പാക്കനാരുടെ പിൻമുറക്കാർ
June 29
11:40 2020

തൃത്താല : പറയിപെറ്റ പന്തിരുകുലത്തിലെ അംഗമായ പാക്കനാര്‍ അന്ത്യവിശ്രമം കൊള്ളുന്നുവെന്ന് വിശ്വസിക്കുന്ന തൃത്താല-കുമ്പിടി റോഡിലെ കുമ്മട്ടിക്കാവ് സംരക്ഷിക്കണമെന്നാവശ്യപ്പെട്ട് പാക്കനാരുടെ പിന്‍മുറക്കാരായ ഈരാറ്റിങ്ങല്‍ കോളനി നിവാസികള്‍ സംസ്ഥാന പട്ടിക ജാതി-വര്‍ഗ ക്ഷേമ വകുപ്പുമന്ത്രിക്ക് നിവേദനം നല്‍കി. കുമ്മട്ടിക്കാവില്‍ നടക്കുന്ന സാമൂഹ്യവിരുദ്ധ പ്രവര്‍ത്തനങ്ങളും അനധികൃത കച്ചവടങ്ങളും അവസാനിപ്പിക്കാന്‍ നടപടിയെടുക്കണമെന്നും പ്രസിദ്ധമായ പാക്കനാര്‍ കാഞ്ഞിരവും അതോടനുബന്ധിച്ചുള്ള കാവും പരിസരവും സംരക്ഷിക്കുന്നതിന് നടപടി വേണമെന്നും നിവേദനത്തില്‍ ആവശ്യപ്പെട്ടു.
നൂറ്റാണ്ടുകളായി പാക്കനാരുടെ പിന്‍മുറക്കാര്‍ ആരാധന നടത്തുന്ന സ്ഥലമാണ് കുമ്മട്ടിക്കാവ്. പാക്കനാര്‍ കാഞ്ഞിരം തൃത്താലയുടെ സാംസ്‌കാരിക പാരമ്പര്യത്തിന്റെ അടയാളം കൂടിയാണ്. ജാതമതവര്‍ഗ ചിന്തകള്‍ക്ക് അതീതമായി നാടിന്റെ മതേതര മൂല്യങ്ങളെ മുറുകെ പിടിച്ച് പാക്കനാര്‍ തോറ്റവും മറ്റ് മതപരമായ ചടങ്ങുകളും ഇവിടെ നടത്തി വരുന്നുണ്ട്.
പാക്കനാരുടെ പിന്‍മുറക്കാര്‍ ഏറെ പവിത്രമായി കണ്ടുവരുന്ന ഈ സ്ഥലം സാമൂഹ്യവിരുദ്ധരുടെ താവളമായി മാറുകയാണ്. അറവുമാടുകളെ ഇവിടെ കൊണ്ടുവന്ന് നിര്‍ത്തുകയും അവയുടെ ചാണകവും മൂത്രവും കൊണ്ട് പരിസരമാകെ മലിനമാക്കപ്പെടുന്നുണ്ട്. ഇത് വിശ്വാസത്തെയും ആരാധനാ സമ്പദായങ്ങളെയും വേദനിപ്പിക്കുന്നതായും നിവേദനത്തില്‍ പറയുന്നു.
സാമൂഹ്യവിരുദ്ധര്‍ കാവിന്റെ പരിസരത്തും മദ്യപാനവും മറ്റ് അനാശാസ്യ പ്രവര്‍ത്തനങ്ങളും നടത്തുന്നത് ഈ സ്ഥലത്തിന്റെ പരിശുദ്ധി നഷ്ടപ്പെടുത്തുന്നു.കുമ്മട്ടിക്കാവിന്റെ സ്ഥലം കയ്യേറി അനധികൃത കച്ചവടം നടത്തുന്നതായും നിവേദനത്തില്‍ ചൂണ്ടിക്കാട്ടി. ഈ സ്ഥലം മതില്‍കെട്ടി സംരക്ഷിക്കുന്നതിന് നടപടിയെടുക്കണമെന്നും ഈരാറ്റിങ്ങല്‍ കോളനി നിവാസികള്‍ നല്‍കിയ നിവേദനത്തില്‍ ആവശ്യപ്പെട്ടു.ഇതേ ആവശ്യമുന്നയിച്ച് വി.ടി.ബല്‍റാം എം.എല്‍.എ, തൃത്താല പഞ്ചായത്ത് ഭരണസമിതി എന്നിവര്‍ക്കും നിവേദനം നല്‍കിയിട്ടുണ്ട്.

വാർത്ത : യുഎ റഷീദ് പാലത്തറഗേറ്റ്, പട്ടാമ്പി

About Author

asianmetronews

asianmetronews

Related Articles

0 Comments

No Comments Yet!

There are no comments at the moment, do you want to add one?

Write a comment

Write a Comment