Asian Metro News

മീങ്കര ഡാം സന്ദർശിക്കാനെത്തിയ പെൺകുട്ടിയെ പീഡപ്പിച്ച കേസിൽ പ്രതിക്ക് 33 വർഷം കഠിനതടവും 1.85 ലക്ഷം രൂപ പിഴയും

 Breaking News
  • പത്താം ക്ലാസിലെ മുഴുവന്‍ വിദ്യാര്‍ഥികളും വിജയിച്ചതായി പ്രഖ്യാപിച്ച് തമിഴ്‌നാട്ടില്‍ സര്‍ക്കാര്‍. ചെന്നൈ:പത്താം ക്ലാസിലെ മുഴുവന്‍ വിദ്യാര്‍ഥികളും വിജയിച്ചതായി പ്രഖ്യാപിച്ച് തമിഴ്‌നാട്ടില്‍ സര്‍ക്കാര്‍. 9, 11 ക്ലാസുകളിലെ വിദ്യാര്‍ഥികളേയും വിജയികളായി പ്രഖ്യാപിച്ചു. വിദ്യാര്‍ഥികള്‍ക്ക് പരീക്ഷയുണ്ടാകില്ലെന്നും മുഖ്യമന്ത്രി എടപ്പാടി പളനിസ്വാമി അറിയിച്ചു. കോവിഡ് വ്യാപനം മൂലം ക്ലാസുകള്‍ പൂര്‍ത്തിയാക്കാന്‍ സാധിക്കാതെ വന്നതോടെയാണ് പരീക്ഷ ഒഴിവാക്കാന്‍ തീരുമാനമായത്....
  • കവി വിഷ്ണു നാരായണൻ നമ്പൂതിരി അന്തരിച്ചു തിരുവനന്തപുരം: കവി വിഷ്ണു നാരായണൻ നമ്പൂതിരി അന്തരിച്ചു. 81 വയസായിരുന്നു. തിരുവനന്തപുരം തൈക്കാട്ടെ വസതിയിലാണ് അന്ത്യം. രാജ്യം പത്മശ്രീ നൽകി ആദരിച്ചിരുന്നു. കേരള സാഹിത്യ അക്കാദമി പുരസ്കാരം, കേന്ദ്ര സാഹിത്യ അക്കാദമി ഫെല്ലോഷിപ്പ്, എഴുത്തച്ഛന്‍ പുരസ്‌കാരം തുടങ്ങി നിരവധി പുരസ്കാരങ്ങൾ നേടിയ...
  • കൊട്ടാരക്കരയിൽ കെ എസ് ആർ റ്റി സി ബസ് കടത്തിയയാൾ പിടിയിൽ കൊട്ടാരക്കര കെ എസ് ആർ റ്റി സി ബസ് സ്റ്റേഷന് സമീപം റോഡിൽ നിർത്തിയിട്ടിരുന്ന ബസ് കടത്തി കൊണ്ട് പോയ ടിപ്പർ അനി എന്ന് വിളിക്കപ്പെടുന്ന തിരുവനന്തപുരം മുക്കിൽകട വി എസ് നിവാസിൽ വിജയദാസ് മകൻ നിധിൻ വി എസ് ആണ്...
  • കുണ്ടറയില്‍ വാഹനാപകടം: 7ലധികം പേര്‍ക്ക് പരിക്ക് കുണ്ടറയില്‍ രോഗിയുമായി പോയ ആംബുലന്‍സും കാറും കൂട്ടിയിടിച്ചു 7ലധികം പേര്‍ക്ക് പരിക്കേറ്റു. വെണ്ടാർ വടക്കേടത്ത് വീട്ടിൽ വിഷ്ണു(22). മാവടി കൊച്ചുവീട് തെക്കേക്കര കൊച്ചുവീട്ടിൽ ശ്യാംദേവ്(22), വെണ്ടാർ ചരുവിള പുത്തൻവീട്ടിൽ ഹരി(21), കൊട്ടാരക്കര കിഴക്കേക്കര ഉണ്ണിക്കുട്ടൻ(27), വെണ്ടാർ തിരുവോണത്തിൽ വിഷ്ണു(22), വെണ്ടാർ തിരുവോണത്തിൽ...
  • SMKIA ജില്ലാ സമ്മേളനം കൽപ്പറ്റ : നീതി ലഭിക്കാനായി ഡൽഹിയിൽ സമരം ചെയ്യുന്ന നമ്മുടെ അന്നദാതാക്കൾക്കു ഐഖ്യദാർഢ്യം പ്രകടിപ്പിച്ചുകൊണ്ട്സ്റ്റേറ്റ് മാപ്പിള കലാ അസോസിയേഷൻ വയനാട് ജില്ലാ പ്രഥമ സമ്മേളനം കൽപ്പറ്റ എച്ച്. ഐ .എം യൂ .പി .സ്കൂളിന്റെ ഓഡിറ്റോറിയത്തിൽ വെച്ച് ഫെബ്രുവരി 20 നു...

മീങ്കര ഡാം സന്ദർശിക്കാനെത്തിയ പെൺകുട്ടിയെ പീഡപ്പിച്ച കേസിൽ പ്രതിക്ക് 33 വർഷം കഠിനതടവും 1.85 ലക്ഷം രൂപ പിഴയും

മീങ്കര ഡാം സന്ദർശിക്കാനെത്തിയ പെൺകുട്ടിയെ പീഡപ്പിച്ച കേസിൽ പ്രതിക്ക് 33 വർഷം കഠിനതടവും 1.85 ലക്ഷം രൂപ പിഴയും
June 26
13:41 2020

പാലക്കാട് : സുഹൃത്തിനൊപ്പം മീങ്കര ഡാം സന്ദര്‍ശിക്കാനെത്തിയ പെണ്‍കുട്ടിയെ സദാചാര പോലീസ് ചമഞ്ഞ് ഭീഷണിപ്പെടുത്തി പീഡിപ്പിച്ചെന്ന കേസില്‍ പ്രതിക്ക് 33 വര്‍ഷം കഠിനതടവും 1.85 ലക്ഷം രൂപ പിഴയും ശിക്ഷ. തമിഴ്‌നാട് പൊള്ളാച്ചി ആളിയാര്‍ അമ്മന്‍പതി പന്തക്കല്‍ പണ്ണപ്പള്ളം ശരവണകുമാ (37) റിനാണ് പാലക്കാട് ഫസ്റ്റ് അഡീഷണല്‍ സെഷന്‍സ് കോടതി ജഡ്ജി എസ് മുരളീകൃഷ്ണ ശിക്ഷിച്ചത്. പോക്‌സോ നിയമമടക്കം വിവിധ വകുപ്പുകളിലായുള്ള ശിക്ഷ ഒന്നിച്ചനുഭവിച്ചാല്‍ മതി. ഇതുപ്രകാരം 20 വര്‍ഷം കഠിനതടവാണ് അനുഭവിക്കേണ്ടത്. പിഴയടച്ചില്ലെങ്കില്‍ രണ്ടുവര്‍ഷം അധിക കഠിനതടവ് അനുഭവിക്കണം.


2018 ഡിസംബര്‍ ആറിനാണ് കേസിനാസ്പദമായ സംഭവം. സുഹൃത്തിനൊപ്പം അണക്കെട്ട് കാണാനെത്തിയ പതിനേഴുകാരിക്കാണ് സദാചാര പോലീസ് ചമഞ്ഞുള്ള നീക്കത്തില്‍ പീഡനത്തിന് ഇരയാകേണ്ടിവന്നത്. പെണ്‍കുട്ടിയെയും സുഹൃത്തിനേയും പ്രതി ശരവണകുമാര്‍ ഡാം ജീവനക്കാരനെന്ന വ്യാജേനയാണ് സമീപിച്ചത്. ഇരുവരും ചേര്‍ന്ന് ഡാമില്‍ എത്തിയത് പെണ്‍കുട്ടിയുടെ വീട്ടുകാരെ അറിയിക്കുമെന്ന് ഭീഷണിപ്പെടുത്തിയാണ് സദാചാര ഗുണ്ടായിസം പുറത്തെടുത്തത്.
ഭീഷണിയിലൂടെ ആണ്‍ സുഹൃത്തിനെ തനിച്ച് വീട്ടിലേക്ക് അയച്ചു. പെണ്‍കുട്ടിയെ സുരക്ഷിതമായി വീട്ടിലെത്തിക്കേണ്ട ചുമതല തനിക്കുണ്ടെന്ന് ആണ്‍സുഹൃത്തിനോട് വിശദീകരിച്ചാണ് പെണ്‍കുട്ടിയെ ഗോവിന്ദാപുരം പാപ്പാന്‍ചള്ളയില്‍ നിന്നും ബസ് കയറ്റിവിട്ടത്. അതിനുശേഷം ബസിനെ പിന്‍തുടര്‍ന്ന ശരവണകുമാര്‍ തൊട്ടടുത്ത സ്‌റ്റോപ്പായ വലിയചള്ള ഭാഗത്തു വച്ച് ബസ് തടഞ്ഞുനിര്‍ത്തി പെണ്‍കുട്ടിയെ നിര്‍ബന്ധിച്ച് ബസില്‍ നിന്നിറക്കുകയും സ്വന്തം വാഹനത്തില്‍ കയറ്റി അടുത്തുള്ള കാട്ടില്‍ കൊണ്ടുപോയി പീഡിപ്പിച്ചതായാണ് പ്രോസിക്യൂഷന്‍ കേസ്. ഇതിനിടെ പെണ്‍കുട്ടിയുടെ മാല കവരുകയും ചെയ്‌തെന്ന് കേസിലുണ്ട്. പ്രതി ഡാമില്‍ വളര്‍ത്തുന്ന മത്സ്യങ്ങളെ മോഷ്ടിക്കുന്നതിനാണ് അവിടെ കറങ്ങിയിരുന്നതെന്നും കേസിലുണ്ട്.
കേസില്‍ ആകെ 32 സാക്ഷികളെയാണ് വിസ്തരിച്ചത്. അന്നത്തെ കൊല്ലങ്കോട് പോലീസ് ഇന്‍സ്‌പെക്ടര്‍ കെ പി ബെന്നിയാണ് കേസ് അന്വേഷണം പൂര്‍ത്തിയാക്കി കുറ്റപത്രം സമര്‍പ്പിച്ചത്. പ്രോസിക്യൂഷനു വേണ്ടി പോക്‌സോ സ്‌പെഷ്യല്‍ പ്രോസിക്യൂട്ടര്‍ പി സുബ്രഹ്മണ്യന്‍ ഹാജരായി.

വാർത്ത : യുഎ റഷീദ് പാലത്തറഗേറ്റ്, പട്ടാമ്പി

About Author

asianmetronews

asianmetronews

Related Articles

0 Comments

No Comments Yet!

There are no comments at the moment, do you want to add one?

Write a comment

Write a Comment