കോട്ടയം : കോട്ടയം അയര്ക്കുന്നത്ത് കാണാതായ പുന്നത്തുറ സെന്റ് തോമസ് ചര്ച്ച് (വെള്ളാപ്പള്ളി പള്ളി) വികാരി ഫാ. ജോര്ജ് എട്ടുപറയിലിന്റെ (55) മൃതദേഹം കണ്ടെത്തി. എടത്വ സ്വദേശിയാണ്. പള്ളിവക കിണറ്റില്നിന്നാണ് മൃതദേഹം കണ്ടെത്തിയത്. ഇന്നലെ വൈകിട്ടോടെയാണ് വൈദികനെ കാണാതായെന്ന വിവരം പൊലീസിനു ലഭിച്ചത്.
വികാരിയുടെ മുറിയുടെ വാതില് ചാരിയിട്ട നിലയിലായിരുന്നു. മൊബൈല് ഫോണ് നിശബ്ദമാക്കി വച്ച നിലയില് കണ്ടെത്തിയിരുന്നു. പള്ളിയിലെ സിസിടിവി ക്യാമറകളും ഓഫ് ചെയ്ത നിലയിലാണ്. ഇന്നലെ ഉച്ചയോടെ പള്ളിയില് വികാരിയെ കണ്ടവരുണ്ട്.