ഓങ്ങല്ലൂർ മഞ്ഞളുങ്ങലിൽ ഇന്ന് മോട്ടോർ വെക്കാനിരുന്ന ബ്ലോക്ക് പഞ്ചായത്ത് കുഴൽ കിണർ സാമൂഹിക ദ്രോഹികൾ തകർത്തു
പാലക്കാട് : ഓങ്ങല്ലൂർ മഞ്ഞളുങ്ങലിൽ നിർമ്മാണം പൂർത്തിയായി ഇന്ന് മോട്ടോർ വെ
ക്കാൻ നിശ്ചയിച്ചിരുന്ന ബ്ലോക്ക് പഞ്ചായത്ത് വികസന ഫണ്ടിലെ കുഴൽ കിണർ സാമൂഹിക ദ്രോഹികൾ തകർത്ത നിലയിൽ.
പട്ടാമ്പി ബ്ലോക്ക് പഞ്ചായത്ത് 2019 20 വാർഷിക പദ്ധതിയിൽ അഞ്ച് ലക്ഷം രൂപ വകയിരുത്തി നിർമ്മിച്ച ശുദ്ധജല പദ്ധതിയുടെ കുഴൽ കിണർ ആണ് സാമൂഹിക ദ്രോഹികൾ തകർത്തത്. പ്രദേശത്തെ അമ്പതോളം വരുന്ന കുടുംബങ്ങൾക്ക് ആശ്രയമായിരുന്നു ഈ കുഴൽ കിണർ. പട്ടാമ്പി ബ്ലോക്ക് പഞ്ചായത്ത് ക്ഷേമനിധി സ്റ്റാൻഡിങ് കമ്മിറ്റി ചെയർപേഴ്സൺ ജുസ്ന ഫണ്ട് അനുവദിച്ച പദ്ധതിയുടെ കുഴൽ കിണർ, പ്ലംബിങ് വർക്കുകൾ പൂർത്തിയായി ഇന്ന് മോട്ടോർ ഫിറ്റ് ചെയ്യാൻ എല്ലാ ഒരുക്കങ്ങളും നടത്തുമ്പോഴാണ് സാമൂഹ്യദ്രോഹികളുടെ അക്രമം. കുഴൽ കിണർ പൈപ്പിലേക്ക് കരിങ്കല്ലു കളും മറ്റും വലിച്ചെറിഞ്‌ പൈപ്പ് തകർക്കുകയും ജലസേചനം തടസ്സപ്പെടുത്താൻ പാകത്തിൽ നശീകരണപ്രവർത്തനങ്ങൾ നടത്തുകയുമായിരുന്നു.
There are no comments at the moment, do you want to add one?
Write a comment