പട്ടാമ്പി : കാർഷിക വൃത്തിക്കാവശ്യമായ എല്ലാ ഉൽപ്പാദനോപാധികളും ഒരു കുടക്കീഴിൽ ലഭ്യമാക്കുന്ന പട്ടാമ്പി ബ്ലോക്ക് പഞ്ചായത്തിൻ്റെ ‘അഗ്രിമാൾ’ ബ്ലോക്ക് ഓഫീസ് സമുച്ചയത്തിൽ പ്രസിഡൻ്റ് വി.എം മുഹമ്മദലി മാസ്റ്റർ ഉദ്ഘാടനം ചെയ്തു.
കർഷകർക്കാവശ്യമായ ഉൽപ്പാദനോപാദികൾ,ഫലവൃക്ഷ തോട്ടവിളകൾ,വിഷ രഹിത പച്ചക്കറി ഉൽപ്പാതിപ്പിക്കാനാവശ്യമായ വിത്തുകൾ,ജൈവ വളങ്ങൾ,ജൈവ കീടനാശിനികൾ,കാർഷിക ഉപകരണങ്ങൾ,നെൽകൃഷിക്കാവശ്യമായ യന്ത്രങ്ങൾ ഉൾപ്പടെ എല്ലാവിധ കാർഷിക ഉൽപ്പാദന ഉപകരണങ്ങളും മിതമായ നിരക്കിൽ അഗ്രിമാളിൽ ലഭ്യമാകും.
വിവിധ സർക്കാർ ഫാമുകൾ,കാർഷിക സർവ്വകലാശാല,വി.എഫ്.പി.സി.കെ,മെറ്റൽ ഇൻഡസ്ട്രീസ്, മുതലായ ഏജൻസികൾ നിർമ്മിക്കുന്ന ഉൽപ്പാനോപാദികളാണ് അഗ്രിമാളിൽ ലഭ്യമാവുക.
തെങ്ങ്, കവുങ്ങ്,വാഴ മറ്റു ഫലവൃക്ഷങ്ങൾ എന്നിവ അഗ്രിമാൾ പദ്ധതിയിലൂടെ വീട്ടിലെത്തിച്ച് നട്ടു കൊടുക്കുകയും ചെയ്യും.വീടുകളിലും തോട്ടങ്ങളിലും ഉൽപ്പാദിപ്പിക്കുന്ന പച്ചക്കറികൾക്ക് വിപണനം സൗകര്യവും അഗ്രിമാളിലുണ്ട്.
ബ്ലോക്ക് പഞ്ചായത്ത് 2019-20 വാർഷിക പദ്ധതിയിലുൾപ്പെടുത്തിയാണ് തുക വകയിരുത്തിയത്.
ബ്ലോക്ക് പഞ്ചായത്തിൻ്റെ ഉൽപ്പാദന മേഖലക്ക് മുതൽക്കൂട്ടാവുന്ന ഈ പദ്ധതിയിലൂടെ ശാസ്ത്രീയമായ കൃഷി പ്രോത്സാഹിപ്പിച്ച് പരമാവധി ഉൽപ്പാദനം കൈവരിക്കാനും സുരക്ഷിത ഭക്ഷ്യ വസ്തുക്കളുടെ ഉൽപ്പാദനം വർദ്ധിപ്പിക്കുന്നതിനും
ഭക്ഷ്യ സ്വയം പര്യാപ്തത ഉറപ്പ് വരുത്തുന്നതിനും കാർഷിക ഉൽപ്പാദനോപാദികൾ കർഷകർക്ക് മിതമായ നിരക്കിൽ ഒരിടത്ത് തന്നെ ലഭ്യമാക്കുവാനുമാണ് ഈ പദ്ധതി ലക്ഷ്യമിടുന്നതെന്ന് ബ്ലാേക്ക് പഞ്ചായത്ത് പ്രസിഡൻ്റ് വി.എം മുഹമ്മദലി മാസ്റ്റർ പറഞ്ഞു.
വൈസ് പ്രസിഡൻ്റ് ഷഫീന ഷുക്കൂർ അദ്ധ്യക്ഷത വഹിച്ചു,വികസന കാര്യ സ്റ്റൻ്റിങ് കമ്മിറ്റി ചെയർപേഴ്സൺ സുനിത രാജൻ,ക്ഷേമ കാര്യ സ്റ്റാന്റിംഗ് കമ്മിറ്റി ചെയർപേഴ്സൺ കെ.ജുസ്ന,ആരോഗ്യവിദ്യാഭ്യാസ സ്റ്റാന്റിംഗ് കമ്മിറ്റി ചെയർമാൻ കെ.കെ.എ അസീസ്,കമ്മുക്കുട്ടി എടത്തോൾ,സബീന ഹസ്സൻ കുട്ടി,എ.ഡി.എ കെ.പി ദീപ, അസി.എക്സിക്യൂട്ടീവ് എഞ്ചിനീയർ ജുവൈന പി.ഖാൻ,മുഹമ്മദ് റഫീഖ് എന്നിവർ പങ്കെടുത്തു.
വാർത്ത : യു എ റഷീദ് പാലത്തറഗേറ്റ്,പട്ടാമ്പി