കൊട്ടാരക്കര : ബിജെപി കൊട്ടാരക്കര നഗരസഭ സമിതിയുടെ നേതൃത്വത്തിൽ പി ഡബ്ല്യൂ ഡി എഞ്ചിനീയറിനെ ഉപരോധിച്ചു.കൊട്ടാരക്കര ശ്രീ മഹാ ഗണപതി ക്ഷേത്രത്തിലേക്കുള്ള വഴിയിലെ അശാസ്ത്രീയമായ ഓടനിർമ്മാണത്തിനെതിരെ ആയിരിന്നു ഉപരോധം. ആദ്യ ഘട്ടത്തിൽ ഒഴുക്ക് വെള്ളത്തിൽ കോൺക്രീറ്റു ഇട്ടു അത് മൊത്തം ഒലിച്ചു പോയി. അവിടവിടെ കുറച്ചു മെറ്റൽ മാത്രം അവശേഷിച്ച നിലയിലാണ്.
കമ്പിയും മറ്റും ഉപയോഗിക്കാതെ പൂർണമായും അശാസ്ത്രീയമായ രീതിയിലാണ് ഈ പണികൾ നടക്കുന്നത്. ഇതിനെതിരെ ആയിരിന്നു ഉപരോധം. കോൺക്രീറ്റു ഒലിച്ചു പോയിടത്തെല്ലാം കോൺക്രീറ്റു ഉടൻ ഇടുമെന്നും കമ്പി ഇടുന്നകാര്യം മേലുദ്യോഗസ്ഥരുമായി ആലോചിച്ചു പരിഹാരം കണ്ടെത്താമെന്നും ഉള്ള അസിസ്റ്റന്റ് എൻജിനീയറുടെ ഉറപ്പിന്മേൽ സമരം പിൻവലിച്ചു. സമരത്തിന് നേതാക്കളായ അനീഷ് കിഴക്കേക്കര, രാജൻ പുലരി, രഞ്ജിത്, അജിത് ചാലൂക്കോണം, ബാബുക്കുട്ടൻ, പ്രശാന്ത് വല്ലം, സി പി കണ്ണൻ എന്നിവർ നേതൃത്വം നൽകി. കോടികൾ ഫണ്ട്‌ അനുവദിച്ചിട്ടുള്ള ഈ നിർമ്മാണത്തിൽ വൻ അഴിമതിയാണെന്നു നേതാക്കൾ ആരോപിച്ചു. നിർമ്മാണത്തിലെ അശാസ്ത്രീയത പരിഹരിച്ചില്ലെങ്കിൽ സമരം ശക്തമാക്കുമെന്നും നേതാക്കൾ അറിയിച്ചു.
