കൊട്ടാരക്കര: ക്രൈംബ്രാഞ്ച് ഓഫീസിലിരുന്ന് മദ്യപിച്ച എസ്.ഐ അറസ്റ്റില്‍. കൊട്ടാരക്കര ക്രൈംബ്രാഞ്ച് എസ്.ഐ സലിം ആണ് അറസ്റ്റിലായത്. കൊല്ലം റൂറല്‍ എസ്പിക്ക് കഴിഞ്ഞ ദിവസം രാത്രിയില്‍ ലഭിച്ച രഹസ്യവിവരത്തിന്റെ അടിസ്ഥാനത്തില്‍ പ്രത്യേക പരിശോധനാ സംഘം ഓഫീസില്‍നിന്ന് എസ് ഐ യെ അറസ്റ്റ് ചെയ്യുകയായിരുന്നു.
ഇയാളോടൊപ്പമുണ്ടായിരുന്ന മറ്റ് രണ്ടുപേര്‍ ഓടി രക്ഷപെട്ടു. വൈദ്യപരിശോധനയ്ക്ക് വിധേയനാക്കിയ എസ് ഐ യെ കോടതിയില്‍ ഹാജരാക്കുമെന്ന് പോലീസ് സംഘം അറിയിച്ചു. പോലീസ് ഓഫീസേഴ്‌സ് അസോസിയേഷന്‍ സംസ്ഥാന ഭാരവാഹികൂടിയാണ് എസ്‌ഐ സലിം.
