തൃക്കണ്ണമംഗൽ : 1947 ആഗസ്റ്റിൽ സ്ഥാപിതമായ പബ്ലിക് ലൈബ്രറിയുടെ പ്രവർത്തനം നേരിട്ട് കാണുവാൻ കുട്ടികളെത്തി . സി. വി. എൻ. എം. എൽ. പി. സ്കൂളിലെ മുതിർന്ന കുട്ടികളാണ് വായന ദിനത്തോടനുബന്ധിച്ചു വായനശാല സന്ദർശിച്ചത്.
ശ്രീ രാജ് .കെ. വിശ്വനാഥനാചാരി , ബാലവേദി രക്ഷാധികാരി ബിജി എന്നിവർ കുട്ടികളുമായി സംവാദിക്കുകയും പുസ്തകങ്ങൾ പരിചയപ്പെടുത്തുകയും ചെയ്തു .
വായനശാലയ്ക്ക് മുന്നിലെ മഞ്ഞൾ കൃഷി കുട്ടികൾക്ക് കൗതുകമായി . ഹെഡ്മിസ്ട്രസ് ശോഭ പി. ഗ്രേസ് നഗർ പ്രസിഡൻറ് ജേക്കബ് ജോർജ് , സജി ചേരൂർ , ഷീന ബി, രാജി മോൾ ആർ. എന്നിവർ നേതൃത്വം നൽകി.