കൊട്ടാരക്കര പുലമൺ ലോട്ടസ് റോഡിൽ രണ്ടു ദിവസം മുമ്പ് വാഹനം നിയന്ത്രണം വിട്ട് ഇലക്ട്രിക് പോസ്റ്റ് ഇടിച്ചു തകർത്തു. ഈ പോസ്റ്റ് കെ.എസ്.ഇ.ബി ഉദ്യോഗസ്ഥർ അടുത്തുള്ള കെട്ടിടത്തിലേയ്ക്കും, റോഡിൽ വച്ചിരിക്കുന്ന തൂണിലേയ്ക്കും മുകളിലും താഴെയും കെട്ടി നിർത്തിയിരിക്കുകയാണ്.
ഇത് ചുറ്റുമുള്ള കടക്കാർക്കും പൊതു ജനങ്ങൾക്കും ഭീഷണിയായിരിക്കുന്നു. ഈ പോസ്റ്റ് ഇടിച്ചു തകർത്ത വാഹനത്തിൻ്റെ ഉടമ കെ.എസ്.ഇ.ബി യിൽ പൈസ അടച്ചിട്ടും പോസ്റ്റ് മാറ്റുവാൻ ഉദ്യോഗസ്ഥർ തയ്യാറാകുന്നില്ല. ചുറ്റുമുള്ള കടക്കാർ കെ.എസ്.ഇ.ബി യിലെ ഈസ്റ്റ് സെക്ഷൻ നോക്കുന്ന അസിസ്റ്റൻ്റ് എൻജിനിയറെ വിളിച്ച് വിവരം അറിയിച്ചു എങ്കിലും ഇതുവരെയും പരിഹാരം ഉണ്ടായിട്ടില്ല.
ശക്തമായ കാറ്റിന് സാധ്യതയുണ്ട് എന്ന് കാലാവസ്ഥ നിരീക്ഷകർ പറഞ്ഞിട്ടും കാറ്റിൽ ഈപോസ്റ്റ് നിന്ന് അടുന്ന വിവരം കെ.എസ്.ഇ.ബി ഉദ്യോഗസ്ഥരെ അറിയിച്ചിട്ടും അവർ മൌനം പാലിക്കുകയാണ്.