തിരുവനന്തപുരം: മണ്ഡല മകരവിളക്ക് സമയത്ത് ശബരിമലയില്‍ ദര്‍ശനത്തിനെത്തുന്ന എല്ലാ യുവതികള്‍ക്കും പൊലീസ് മതിയായ സുരക്ഷ ഒരുക്കുമെന്ന് സംസ്ഥാന പൊലീസ് മേധാവി ലോകനാഥ് ബെഹ്റ. ഇതിനായി കൂടുതല്‍ പൊലീസ് സംഘത്തെ ശബരിമലയില്‍ വിന്യസിക്കുമെന്നും അദ്ദേഹം പറഞ്ഞു. ഏത് വിധേനയും സുപ്രീം കോടതിക വിധി നടപ്പിലാക്കാന്‍ സേന ബാധ്യസ്ഥരാണ്. ശബരിമലയില്‍ അക്രമം നടത്തിയവെക്കെതിരെ നടപടി സ്വീകരിച്ച്‌ വരികയാ‍ണ്. മണ്ഡലകാലത്ത്പ്രതിഷേധിക്കുന്നവര്‍ക്കെതിരെയും ഈ നടപടി ഉണ്ടാകുമെന്നും ലോക്നാഥ് ബെഹ്റ പറഞ്ഞു. ശബരിമലയില്‍ സ്ത്രീ പ്രവേശനത്തിനെതിരെ അക്രമം നടത്തിയവര്‍ക്കെതിരെ പൊലീസ് നടപടികള്‍ തുടരുകയാണ് ഇതുവരെ 2000ത്തോളം പേരെ അറസ്റ്റ് ചെയ്തിട്ടുണ്ട്. ഇതില്‍ 1500 പേരെ ജാമ്യത്തില്‍ വിട്ടു. അക്രമത്തില്‍ വാഹനം തകര്‍ത്തവ ഇപ്പോള്‍ റിമാന്‍ഡിലാണ് 13 ലക്ഷം രൂപ കെട്ടിവച്ചാല്‍ മാത്രമേ പ്രതികള്‍ക്ക് ജമ്യം അനുവദിക്കു എന്ന് റാന്നി ഒന്നാംക്ലാസ് മജിസ്ട്രേറ്റ് കോടതി വ്യക്തമാക്കി.
