കൊട്ടാരക്കര: ഇളമാട് വില്ലേജ് പരിധിയിൽ അമ്പലം മുക്ക് ഭാഗത്തു നിന്നും അനധികൃതമായി മണ്ണ് കടത്തിക്കൊണ്ടുപോയ രണ്ടു ലോറികൾ കൊട്ടാരക്കര തഹസീൽദാരുടെ നേതൃത്വത്തിൽ നടത്തിയ പരിശോധനയിൽ പിടികൂടി ചടയമംഗലം പോലീസ് സ്റ്റേഷനിൽ ഏല്പിച്ചു. പരിശോധനയിൽ തഹസീൽദാരെ കൂടാതെ താലൂക്ക് ഓഫീസ് ജീവനക്കാരായ ഹരികുമാർ, സന്തോഷ് കുമാർ എന്നിവരും ഉണ്ടായിരുന്നു. തുടർന്നുള്ള ദിവസങ്ങളിൽ പരിശോധന ശക്തമാക്കുമെന്നു൦ തഹസീൽദാർ അറിയിച്ചു.
