കൊട്ടാരക്കര: സ്കൂൾ കുട്ടികൾ ഉൾപ്പെടെയുള്ളവർക്ക് നിരോധിത പുകയില ഉത്പന്നങ്ങൾ കച്ചവടം നടത്തിയ വെട്ടിക്കവല നടക്കുന്ന് ബിജോ ഭവനിൽ ബിനു (40 ) കൊട്ടാരക്കര പോലീസിന്റെ പിടിയിലായത്. കൊട്ടാരക്കര കിഴക്കേ തെരുവിൽ ഇയാൾ നടത്തി വരുന്ന കടയുടെ മറവിലാണ് പുകയില ഉത്പന്നങ്ങളുടെ കച്ചവടം നടത്തി വന്നിരുന്നത്. കൊട്ടാരക്കര എസ് ഐ രാജീവ്, എ എസ് ഐ ഓമനക്കുട്ടൻ, സിപിഒ സലിൽ എന്നിവർ ചേർന്നാണ് പ്രതിയെ പിടി കൂടിയത്.
