മൊബൈൽ ഫോൺ ചാർജർ പൊട്ടിത്തെറിച്ച് ഒരു കുടുംബത്തിലെ ആറു പേര് മരിച്ചു. ഹുഫൂഫിലെ അൽനാഥൽ ഡിസ്ട്രിക്ടിലെ വീട്ടിൽ തിങ്കളാഴ്ച പുലർച്ചെയുണ്ടായ അഗ്നിബാധയിലാണ് ആറംഗ കുടുംബം മരിച്ചത് .മൊബൈൽ ഫോൺ ചാർജ് ചെയ്യുന്നതിനിടെയാണ് ചാർജർ പൊട്ടിത്തെറിച്ചത്. സമീപത്ത് കിടന്ന് സോഫക്ക് തീപിടിക്കുകയും ചെയ്തു. സോഫയിൽനിന്ന് പടർന്ന തീയിൽ നിന്നുള്ള പുക ശ്വസിച്ചാണ് വീട്ടിൽ ഉറങ്ങുകയായിരുന്ന മൂന്നു സ്ത്രീകളും മൂന്നു പുരുഷൻമാരും മരിച്ചത്.
അഹ്മദ് ഹുസൈന് അല്ജിബ്റാന്, അബ്ദുല്ഇലാഹ് ഹുസൈന് അല്ജിബ്റാന്, മര്യം ഹുസൈന് അല്ജിബ്റാന്, ഈമാന് ഹുസൈന് അല്ജിബ്റാന്, ലതീഫ ഹുസൈന് അല്ജിബ്റാന്, ഇവരുടെ സഹോദര പുത്രന് ഹസന് അലി അല്ജിബ്റാന് എന്നിവരാണ് മരിച്ചത്. അപകടത്തിൽ മരിച്ച യുവതിയുടെ വിവാഹ നിശ്ചയം ദുരന്തത്തിന് രണ്ടു ദിവസം മുൻപാണ് നടന്നത്.