പാലക്കാട്: പോക്സോ കേസിൽ സ്കൂൾ പ്രിൻസിപ്പൽ അറസ്റ്റിൽ. പ്രിൻസിപ്പൽ പ്രദീപ് കുമാർ വിവിയാണ് അറസ്റ്റിലായത്. ചൈൽഡ് ലൈൻ മുഖേന ലഭിച്ച പാരിതിയിലാണ് പ്രദീപിനെ പിടികൂടിയത്. പ്ലസ് വൺ വിദ്യാർത്ഥിനിയോട് മോശമായി പെരുമാറിയതിനെ തുടർന്നാണ് അറസ്റ്റ്. ഈ കഴിഞ്ഞ നാലാം തീയതിയായിരുന്നു കേസിന് ആസ്പദമായ സംഭവം നടന്നത്.
സ്കൂൾ അസംബ്ലിയിൽ ബോധം നഷ്ടപ്പെട്ട വിദ്യാർത്ഥിനിയെ സ്റ്റാഫ് റൂമിൽ ഇരുത്തി. ഈ സമയം ഇവിടെയെത്തിയ പ്രിൻസിപ്പൽ മോശമായി പെരുമാറിയെന്നാണ് പരാതി. പിന്നാലെ കുട്ടി വീട്ടിൽ അറിയിക്കുകയായിരുന്നു. വീട്ടുകാരാണ് ഇക്കാര്യം ചൈൽഡ് ലൈനിൽ അറിയിച്ചത്. പിന്നാലെ ചൈൽഡ് ലൈൻ പോലീസിന് പരാതി കൈമാറുകയായിരുന്നു.