കൊല്ലം: 75 ഗ്രാം എംഡിഎംഎയുമായി കൊല്ലത്ത് യുവാവ് പിടിയില്. ജില്ലയില് പോലീസ് നടത്തിയ പ്രത്യേക ചെക്കിംഗിലാണ് അടിവസ്ത്രത്തില് ഒളിപ്പിച്ചകടത്തിയ മഴക്കുമരുന്ന് കണ്ടെത്തിയത്.
ഇരവിപുരം പട്ടാണിത്തങ്ങള് നഗറിലെ ബാദുഷാ മന്സിലില് ബാദുഷയാണ് (23) ഈസ്റ്റ് പോലീസ് പിടിക്കൂടിയത്. ജില്ലാ ഡാന്സാഫ് സംഘവും കൊല്ലം ഈസ്റ്റ് പോലീസും ചേര്ന്നു നടത്തിയ പരിശോധനയിലാണ് പ്രതിയെ അറസ്റ്റ് ചെയ്തത്.
പള്ളിമുക്കിലും പരിസരപ്രദേശങ്ങളിലുമുള്ള എന്ജിനിയറിങ്, മെഡിക്കല് വിദ്യാര്ഥികള്ക്കായി ആണ് പ്രതി മയക്കുമരുന്ന് കൊണ്ടുപോയതെന്നാണ് റിപ്പോര്ട്ട്. കേരള പോലീസിന്റെ ‘യോദ്ധാവ്’ എന്ന വാട്സാപ്പ് നമ്പര്വഴി ലഭിച്ച രഹസ്യവിവരത്തിന്റെ അടിസ്ഥാനത്തിലായിരുന്നു പരിശോധന.