കൊട്ടാരക്കര ശ്രീ മഹാഗണപതി ക്ഷേത്രത്തിലെ മേട തിരുവാതിര മഹോത്സവത്തിന്റെ ആറാട്ട് ഉത്സവമായ ശനിയാഴ്ച കൊട്ടാരക്കര ടൗണിൽ ഗതാഗത നിയന്ത്രണമുണ്ടാകും. ഉച്ചക്ക് 3 മണി മുതലാണ് ടൗണിൽ ഗതാഗത നിയന്ത്രണം ഏർപ്പെടുത്തിയിട്ടുള്ളത്.
1 , പുനലൂരിൽ നിന്നും കൊല്ലം ഭാഗത്തേക്ക് പോകുന്ന വാഹനങ്ങൾ ചെങ്ങമനാട് തിരിഞ്ഞ് വെട്ടിക്കവല, സദാനന്ദപുരം, എം സി റോഡ് വഴി നെല്ലിക്കുന്നം അമ്പലപ്പുറം വഴി അമ്പലത്തുംകാലക്ക് പോകേണ്ടതാണ്.
2, പുനലൂരിൽ നിന്നും കൊട്ടാരക്കരക്ക് വരുന്ന വാഹനങ്ങൾ കോട്ടപ്പുറം ഭാഗത്ത് ട്രിപ്പ് അവസാനിപ്പിച്ച് മടങ്ങേണ്ടതാണ്..
3, കൊല്ലം ഭാഗത്ത് നിന്നും പുനലൂർ ഭാഗത്തേക്കുള്ള വാഹനങ്ങൾ നെടുവത്തൂർ പ്ലാമൂട് ജംഗ്ഷനിൽ നിന്നും തിരിഞ്ഞ് മുർത്തിക്കാവ് കുറുമ്പാലൂർ മൂഴിക്കോട് വഴി കൊട്ടാരക്കരയിൽ എത്തേണ്ടതാണ്.
4, കൊല്ലത്ത് നിന്നും കൊട്ടാരക്കര ഭാഗത്തേക്കുള്ള വാഹനങ്ങൾ കൊട്ടാരക്കര റെയിൽവേ ഓവർ ബ്രിഡ്ജിന് മുൻപേ ട്രിപ്പ് അവസാനിപ്പിച്ച് മടങ്ങേണ്ടതാണ്.
5, ഓയൂരിൽ നിന്നും കൊട്ടാരക്കരക്ക് വരുന്ന വാഹനങ്ങൾ തൃക്കണ്ണമംഗലിൽ ട്രിപ്പ് അവസാനിപ്പിക്കേണ്ടതാണ്.
6, കൊട്ടാരക്കരയിൽ നിന്നും ഓയൂർ ഭാഗത്തേക്കുള്ള വാഹനങ്ങൾ സദാനന്തപുരം – നെല്ലിക്കുന്നം വഴി പേകേണ്ടതാണ്.
7, ചരക്ക് വാഹനങ്ങൾ ഗതാഗത നിയന്ത്രണം കഴിയുന്നതുവരെ കൊട്ടാരക്കര ടൗണിലേക്കുള്ള എല്ലാ റൂട്ടുകളിലൂടെയും ഗതാഗതം അനുവദിക്കുന്നതല്ല.
8, കൊട്ടാരക്കര ബോയ്സ് ഹൈസ്കൂൾ ഗ്രൗണ്ടിലും ,റെയിൽവേ സ്റ്റേഷൻ ഭാഗത്തും നിഷ്കർഷിച്ചിട്ടുള്ള സ്ഥലത്ത് മാത്രമാണ് പാർക്കിംഗ് അനുവദിച്ചിട്ടുള്ളത്.
9, പുത്തുർ ഭാഗത്ത് നിന്നും വരുന്ന വലിയ വാഹനങ്ങൾ മുസ്ലിം സ്ട്രീറ്റ് പാലത്തിന് മുൻപ് യാത്ര അവസാനിക്കണം, ചെറിയ വാഹനങ്ങൾ ലോട്ടസ് റോഡ് വഴി തിരിഞ്ഞ് പോകേണ്ടതാണ്.
10, ഘോഷയാത്ര ആരംഭിച്ചു കഴിഞ്ഞാൽ റെയിൽവേ സ്റ്റേഷനും പുലമണിനും ഇടയിൽ വാഹന ഗതാഗതം അനുവദിക്കുന്നതല്ല
ഉത്സവത്തിന്റെ സുരക്ഷാ ക്രമീകരണത്തിന്റെ ഭാഗമായുള്ള ഗതാഗത നിയന്ത്രണത്തിൽ എല്ലാവരും സഹകരിക്കണമെന്ന് പൊലീസ് അറിയിച്ചു.