കൊട്ടാരക്കര : ഡിസംബർ 31, ജനുവരി 1 ,2 തീയതികളിൽ കൊട്ടാരക്കരയിൽ നടക്കുന്ന സി പി ഐ എം ജില്ലാ സമ്മേളനത്തിന്റെ സ്വാഗത സംഘം ഓഫീസ് കൊട്ടാരക്കരയിൽ പ്രവർത്തനം ആരംഭിച്ചു. സംസ്ഥാന സെക്രട്ടറിയേറ്റംഗവും ധനകാര്യ മന്ത്രിയുമായ കെ എൻ ബാലഗോപാൽ ഓഫീസിന്റെ ഉദ്ഘാടനം നിർവ്വഹിച്ചു. സംഘാടക സമിതി പ്രസിഡന്റ് പി എ ഏ ബ്രഹാം അധ്യക്ഷനായി. സെക്രട്ടറി പി കെ ജോൺസൻ സ്വാഗതം പറഞ്ഞു. ജില്ലാ സെക്രട്ടറിയേറ്റംഗം ജോർജ്ജ് മാത്യു , ജില്ലാ കമ്മിറ്റി അംഗങ്ങളായ വി രവീന്ദ്രൻ നായർ , ജി സുന്ദരേശൻ, ഏരിയാ കമ്മിറ്റി അംഗങ്ങൾ സംഘാടക സമിതി ഭാരവാഹികൾ തുടങ്ങിയവർ പങ്കെടുത്തു. സി പി ഐ എം കൊട്ടാരക്കര ഏരിയാ കമ്മിറ്റി ആഫീസായ അബ്ദുൾ മജീദ് സ്മാരക മന്ദിരമാണ് സ്വാഗത സംഘം ഓഫീസായി പ്രവർത്തിക്കുന്നത്.
