കൊല്ലം: കൊല്ലം ജില്ലാ പഞ്ചായത്തിന്റെ ആഭിമുഖ്യത്തില്‍ വിദ്യാഭ്യാസ വകുപ്പിന്റെ സഹകരണത്തോടെ എസ്.എസ്.എല്‍.സി. വിദ്യാര്‍ഥികള്‍ക്കായി നടപ്പിലാക്കുന്ന ഉജ്ജ്വലം പദ്ധതിക്ക് തുടക്കമായി. വിദ്യാര്‍ത്ഥികളുടെ മാനസികസമ്മര്‍ദ്ദം കുറച്ച് പഠനസൗകര്യം കൂടുതല്‍ മെച്ചപ്പെടുത്തുന്നതിനാണ് പദ്ധതി. സര്‍ക്കാര്‍, എയ്ഡഡ് സ്‌കൂളുകളിലെ പത്താം ക്ലാസ് വിദ്യാര്‍ത്ഥികള്‍ക്കായി പഠന സഹായികള്‍ പദ്ധതിയുടെ ഭാഗമായി നല്‍കുകയാണ്. കൊല്ലം ഡയറ്റിലെ വിദഗ്ധരായ അധ്യാപകരുടെ സഹകരണത്തോടെ പുസ്തകങ്ങള്‍ തയ്യാറാക്കി ലഭ്യമാക്കി.
