ചെർപ്പുളശ്ശേരി : അനധികൃതമായി കേരളത്തിലേക്ക് കടത്തിയ 100 ലിറ്റർ വിദേശ മദ്യം പോലീസ് പിടികൂടി. പത്തിരിപ്പാല , മണ്ണൂർ സ്വദേശികളായ ഇബ്രാഹിം (40), ഉസ്മാൻ(27) എന്നിവരെ ചെർപ്പുളശ്ശേരി, പാലക്കാട് പോലീസ് അറസ്റ്റു ചെയ്തു.
ലോക്ക് ഡൗണിനോടനുബന്ധിച്ച് പാലക്കാട് ഡാൻസാഫ് സ്ക്വാഡും , ചെർപ്പുളശ്ശേരി പോലീസും സംയുക്തമായി ഇന്നലെ രാത്രി തൂത പാലത്തിനു സമീപം നടത്തിയ പ്രത്യേക വാഹന പരിശോധനയിലാണ് അനധികൃത മദ്യക്കടത്ത് പിടികൂടിയത്. മിനിലോറിയുടെ ബോഡിയുടെ അടിയിൽ ബാഗുകളിലാക്കി കെട്ടിവെച്ച നിലയിലാണ് മദ്യക്കുപ്പികൾ കണ്ടെത്തിയത്.
കർണ്ണാടകയിൽ 400 രൂപക്ക് ലഭിക്കുന്ന ഒരു ലിറ്റർ മദ്യം കേരളത്തിൽ 3000 രൂപക്കാണ് വിറ്റഴിക്കുന്നത്. ബാറും, ബിവറേജസ് ഔട്ട്ലറ്റ് കളും പൂട്ടിയതോടെ വലിയ തോതിലാണ് അന്യസംസ്ഥാനങ്ങളിൽ നിന്ന് കേരളത്തിലേക്ക് വിദേശമദ്യം ഒഴുകുന്നത്. കൂടാതെ മലയോര മേഖലകൾ കേന്ദ്രീകരിച്ച് വ്യാജ വാറ്റും കൂടിയിട്ടുണ്ട്. വരും ദിവസങ്ങളിലും ശക്തമായ പരിശോധന ഉണ്ടായിരിക്കും.
പ്രതികളെ ഇന്ന് കോടതിയിൽ ഹാജരാക്കും.
പാലക്കാട് ജില്ലാ പോലീസ് മേധാവി R. വിശ്വനാഥ് IPS ൻ്റെ നിർദ്ദേശത്തെത്തുടർന്ന് പാലക്കാട് നർകോട്ടിക് സെൽ DYSP C.D. ശ്രീനിവാസൻ , ചെർപ്പുളശ്ശേരി ഇൻസ്പെക്ടർ അമീർ അലി SCPO സജീഷ് CPO മാരായ ഉമ്മർ, ശശിധരൻ, കൃഷ്ണകുമാർ , ഡ്രൈവർ SCPO ശങ്കരനാരായണൻ, ഹോം ഗാർഡ് വിനോദ് ,സൈബർ സെൽ scpo വിനീത് ,ഡാൻസാഫ് സ്ക്വാഡ് അംഗങ്ങളായ T. R. സുനിൽ കുമാർ, R. കിഷോർ, R. രാജീദ്, എന്നിവരടങ്ങിയ സംഘമാണ് മദ്യക്കടത്ത് പിടികൂടിയത്.