പാലക്കാട് / പട്ടാമ്പി : കർഷക പോരാട്ടത്തിന് യുവതയുടെ ഐക്യദാർഢ്യം എന്ന മുദ്രാവാക്യത്തിൽ പട്ടാമ്പി ബ്ലോക്ക് കമ്മിറ്റി കഴിഞ്ഞ ദിവസം സംഘടിപ്പിച്ച നൈറ്റ് മാർച്ച് കൊപ്പത്ത് ജില്ലാ പ്രസിഡന്റ് പി പി സുമോദ് ഫ്ലാഗ് ഓഫ് ചെയ്തു. പട്ടാമ്പിയിൽ നടന്ന സമാപന പൊതുയോഗം ഡിവൈഎഫ്ഐ മുൻ സംസ്ഥാന വൈസ് പ്രസിഡന്റ് കെ പ്രേംകുമാർ ഉദ്ഘാടനം ചെയ്തു. ബ്ലോക്ക് പ്രസിഡന്റ് കെ പി അനിൽകുമാർ അധ്യക്ഷനായി. സിപിഐ എം ഏരിയ സെക്രട്ടറി എൻ പി വിനയകുമാർ, ജില്ലാ വൈസ് പ്രസിഡന്റ് ടി ഷാജി, എസ്എഫ്ഐ ജില്ലാ ജോയിൻ സെക്രട്ടറി എ എൻ നീരജ്, ബ്ലോക്ക് ട്രഷറർ കെ പി നൗഫൽ, ടി വി രതീഷ് പി ആർ രജീഷ് എം എൻ സുധീപ് സംസാരിച്ചു.
