കൊട്ടാരക്കര : കൊട്ടാരക്കര നഗരസഭയില്‍ അധ്യക്ഷസ്ഥാനത്തേക്ക് ആരാണെന്ന് തീരുമാനമായില്ല . കേരളകോണ്‍ഗ്രസ് (ബി) യില്‍ നിന്നും സിപിഐയില്‍ നിന്നും സ്ഥാനത്തിനുവേണ്ടി അവകാശവാദം ഉന്നയിക്കുന്നുണ്ട്, മുന്‍ പഞ്ചായത്ത് പ്രസിഡന്റായിരുന്ന ജേക്കബ്ബ് വര്‍ഗ്ഗീസും ഇതിൽ ഉൾപ്പെടുന്നു . നിലവിൽ കൊട്ടാരക്കര നഗരസഭയിൽ എല്‍ഡിഎഫിന് 16 സീറ്റും, യുഡിഎഫിന് 8 സീറ്റും, ബിജെപിക്ക് 5 സീറ്റുമാണ് ഉള്ളത്. എല്ലാ പാർട്ടികളും അധ്യക്ഷസ്ഥാനത്തിന് വേണ്ടി മത്സരിക്കുന്നുണ്ടെങ്കിലും സിപിഎം സ്ഥാനം ഏറ്റെടുക്കുമെന്നാണ് സൂചന. ഇന്ന് വൈകിട്ട് നടക്കുന്ന എല്‍ഡിഎഫ് ചർച്ചയിൽ ഇതു സംബന്ധിച്ച് അന്തിമ തീരുമാനമുണ്ടാകും എന്നാണ് പ്രതീക്ഷിക്കുന്നത്.
