കമ്പളക്കാട് : ജില്ലാ പഞ്ചായത്തിൻ്റെ 50 ലക്ഷം രൂപയുടെ ഫണ്ട് ഉപയോഗിച്ച് കമ്പളക്കാട് മിനി സ്റ്റേഡിയത്തിൽ നിർമിക്കുന്ന ഗ്യാലറിയുടെ കോൺക്രീറ്റ് പ്രവൃത്തിയുടെടെ ഉദ്ഘാടനം ജില്ലാ പഞ്ചായത്ത് പ്രസിഡണ്ട് കെ.ബി.നസീമ നിർവഹിച്ചു. നിലവിലെ തറനിരപ്പിൽ നിന്നും മണ്ണിട്ടു ഉയർത്താവുന്ന രീതിയിലാണ് ഗ്യാലറി നിർമിക്കുന്നത്. 60 മീറ്റർ നീളവും മൂന്ന് മീറ്ററോളം വീതിയിലും നിർമിക്കുന്ന
സ്റ്റേഡിയത്തിൻ്റെ ആദ്യ ഘട്ടത്തിൽ 40 മീറ്ററിൽ
24 ഓളം പില്ലറിൻ്റെയും ബീമിൻ്റെയും പണി
കൾ പൂർത്തിയായിട്ടുണ്ട്. വിവിധടൂർണ്ണമെൻ്റുകൾ
നടക്കുമ്പോൾ താൽക്കാലിക ഗ്യാലറി ഒരുക്കുന്നതിനായി ലക്ഷകണക്കിന് രൂപയാണ് ക്ലബുകൾ ചിലവഴിക്കാറുള്ളത്. ആയിരം പേർക്ക് ഇരുന്ന് കളി കാണാൻ കഴിയുന്ന സ്ഥിരം ഗ്യാലറി യാഥാർത്ഥ്യമാകുന്നതോടെ കായിക രംഗത്ത് വലിയ മാറ്റങ്ങൾക്ക് വഴിയൊരുക്കും. കണിയാമ്പറ്റ ഗ്രാമ പഞ്ചായത്തിൻ്റെ ഉടമസ്ഥതയിലുള്ള ഗ്രൗണ്ടിൻ്റെ തുടർ നവീകരണത്തിനായി പഞ്ചായത്ത് ഭരണസമിതിയും അഞ്ച് ലക്ഷം രൂപയും വകയിരിത്തി
യിട്ടുണ്ട്.തൊഴിലുറപ്പ് പദ്ധതിയിൽ ഉൾപ്പെടുത്തി മണ്ണിടുന്നതിനാവശ്യമായ നടപടി ക്രമങ്ങളും പൂർത്തിയായിട്ടുണ്ട്.ചടങ്ങിൽ ഗ്രാമ പഞ്ചായത്ത് പ്രസിഡണ്ട് ബിനു ജേക്കബ് അദ്ധ്യക്ഷത വഹിച്ചു. ജില്ലാ പഞ്ചായത്ത് വൈസ് പ്രസിഡണ്ട് എ.പ്രഭാകരൻ മാസ്റ്റർ .ജില്ലാ പഞ്ചായത്ത് കണിയാമ്പറ്റ ഡിവിഷൻ മെമ്പർ.പി. ഇസ്മായിൽ. പഞ്ചായത്ത് വൈസ് പ്രസിഡണ്ട് റൈഹാനത്ത് ബഷീർ.ആരോഗ്യ വിദ്യഭ്യാസ സ്റ്റാൻഡിങ് കമ്മിറ്റി ചെയർമാൻ കടവൻ ഹംസ. വാർഡ് മെമ്പർ പഞ്ചാര സുനീറ. ജില്ലാ പഞ്ചായത്ത്
എക്സിക്യൂട്ടീവ് എഞ്ചിനീയർ ദിലീപ് എം.എസ്.കടവൻസലീം.
വി.പി.യുസഫ്. ജബ്ബാർ കോയണ്ണി.സി.രവീന്ദ്രൻ. കടവൻ മോയിൻ.പി.ടി. യൂസഫ്. ഷമീർ കോരൻ കുന്നൻ.കടവൻ താരീഖ്.സംസാരിച്ചു.
