കാഠ്മണ്ഡു: നേപ്പാളിലുണ്ടായ കനത്ത പ്രളയത്തിലും മണ്ണിടിച്ചിലിലും മരണസംഖ്യ 1,222 ആയി ഉയർന്നു. ദുരന്തത്തിൽ 4,875 പേരെയാണ് ഇതുവരെ കാണാതായിട്ടുള്ളത്. കാണാതായവരിൽ 583 പേർ വിദേശികളാണെന്ന് അധികൃതർ വ്യക്തമാക്കി.
അതിനിടെ, ചൈനീസ് സ്വയംഭരണ പ്രദേശമായ ടിബറ്റിലെ ഗൈറോംഗ് കൗണ്ടിയിലുണ്ടായ വെള്ളപ്പൊക്കത്തിൽ മരിച്ചവരുടെ എണ്ണം 21 ആയി ഉയർന്നു. ദുരന്തബാധിത പ്രദേശങ്ങളിൽ രക്ഷാപ്രവർത്തനം യുദ്ധകാലാടിസ്ഥാനത്തിൽ തുടരുകയാണ്. ഇതുവരെ 11,993 പേരെ രക്ഷപ്പെടുത്താൻ സാധിച്ചിട്ടുണ്ട്. രക്ഷാപ്രവർത്തനവും കാണാതായവർക്കായുള്ള തിരച്ചിലും ഊർജിതമാക്കുന്നതിന്റെ ഭാഗമായി 21,314 സുരക്ഷാ ഉദ്യോഗസ്ഥരെയാണ് വിവിധ മേഖലകളിൽ വിന്യസിച്ചിരിക്കുന്നത്.