കൊട്ടാരക്കര : നിരപരാധിയായ പെരുമ്പുഴ സ്വദേശി സിയാദിനെ കുണ്ടറ പൊലീസ് മർദിച്ച് കൊലപ്പെടുത്തിയ സംഭവത്തിൽ കുറ്റക്കാരായ പൊലീസുകാർക്കെതിരെ ശക്തമായ നടപടി എടുക്കുക, സിയാദിന്റെ കുടുംബത്തിന് നഷ്ടപരിഹാരം നൽകുക തുടങ്ങിയ ആവശ്യങ്ങൾ ഉന്നയിച്ച് കൊണ്ട് സിപിഐ എം നേതൃത്വത്തിൽ നാളെ കൊട്ടാരക്കര റൂറൽ എസ് പി ഓഫീസിലേക്ക് ബഹുജന മാർച്ച് നടത്തുന്നു. രാവിലെ 10 ന് നടക്കുന്ന ബഹുജന മാർച്ച് സിപിഐ എം സംസ്ഥാന സെക്രട്ടറി എം വി ഗോവിന്ദൻ ഉദ്ഘാടനം ചെയ്യും. സിപിഐ എം കേന്ദ്രകമ്മിറ്റി അംഗം കെ എൻ ബാലഗോപാൽ, ജില്ലാ സെക്രട്ടറി എസ് സുദേവൻ തുടങ്ങിയവർ പങ്കെടുക്കും.
