തിരുവനന്തപുരം: സംസ്ഥാനത്ത് പ്രകൃതിക്ഷോഭത്തിന് കാരണമായേക്കാവുന്ന അതിതീവ്ര മഴയ്ക്ക് സാധ്യതയെന്ന് കേന്ദ്ര കാലാവസ്ഥാ വകുപ്പിന്റെ മുന്നറിയിപ്പ്. കോഴിക്കോട്, വയനാട് ജില്ലകളില് റെഡ് അലര്ട്ട് പ്രഖ്യാപിച്ചിട്ടുണ്ട്.
മലപ്പുറം, കണ്ണൂര്, കാസര്കോട് ജില്ലകളില് ഓറഞ്ച് അലര്ട്ടും, എറണാകുളം, ഇടുക്കി, തൃശൂര്, പാലക്കാട് ജില്ലകളില് യോല്ലോ അലര്ട്ടും നിലവിലുണ്ട്. അടുത്ത രണ്ട് ദിവസങ്ങളിലും പരക്കെ ശക്തമായ മഴ തുടരുമെന്നാണ് പ്രവചനം. കുറഞ്ഞ സമയം കൊണ്ട് വന് തോതില് പെയ്യുന്ന മഴ മിന്നല് പ്രളയങ്ങള്ക്കും മലവെള്ളപ്പാച്ചിലിനും കാരണമായേക്കാം. നഗരങ്ങളിലും താഴ്ന്ന പ്രദേശങ്ങളിലും വെള്ളക്കെട്ട് രൂപപ്പെടാനും മലയോര മേഖലകളില് ഉരുള്പൊട്ടലിനും മണ്ണിടിച്ചിലിനും സാധ്യതയേറെയാണ്.
ദുരന്ത സാധ്യതയുള്ള പ്രദേശങ്ങളില് താമസിക്കുന്നവര് പകല് സമയത്ത് തന്നെ സുരക്ഷിത സ്ഥാനങ്ങളിലേക്കോ ദുരിതാശ്വാസ ക്യാമ്പുകളിലേക്കോ മാറിത്താമസിക്കാന് അധികൃതര് നിര്ദേശിച്ചു. അപകടാവസ്ഥയിലുള്ള മരങ്ങളും പോസ്റ്റുകളും അടിയന്തരമായി സുരക്ഷിതമാക്കണം. പുഴകളിലോ മറ്റ് ജലാശയങ്ങളിലോ ഇറങ്ങുന്നതും മലയോര മേഖലകളിലേക്കുള്ള രാത്രി യാത്രകളും വിനോദ യാത്രകളും പൂര്ണമായി ഒഴിവാക്കേണ്ടതാണ്. കടലാക്രമണം ശക്തമാകാന് സാധ്യതയുള്ളതിനാല് തീരദേശ വാസികളും ജാഗ്രത പാലിക്കണം.
വൈദ്യുതി ലൈനുകള് പൊട്ടിവീഴാന് സാധ്യതയുള്ളതിനാല് വെള്ളക്കെട്ടുകളില് ഇറങ്ങുമ്പോള് പ്രത്യേകം ശ്രദ്ധിക്കണം. എന്തെങ്കിലും അപകട സാധ്യത ശ്രദ്ധയില് പെട്ടാല് 1912 എന്ന നമ്പറില് കെ.എസ്.ഇ.ബിയെ വിവരമറിയിക്കുക. പൊതുജനങ്ങളും സര്ക്കാര് സംവിധാനങ്ങളും അതീവ ജാഗ്രത പുലര്ത്തണമെന്ന് സംസ്ഥാന ദുരന്തനിവാരണ അതോറിറ്റി ആവശ്യപ്പെ