തിരുവനന്തപുരം: സംസ്ഥാനത്ത് ജൂണ് ഒന്നിനാരംഭിച്ച ‘ഓപ്പറേഷന് തൂഫാന്’ വഴി പതിനഞ്ച് ദിവസത്തിനിടെ 10 കോടി രൂപയുടെ ലഹരി മരുന്ന് പിടിച്ചെടുത്തതായി ആഭ്യന്തര മന്ത്രി രമേശ് ചെന്നിത്തല. 2778 പേരെ അറസ്റ്റ് ചെയ്യുകയും 2575 കേസുകള് രജിസ്റ്റര് ചെയ്യുകയും ചെയ്തു. 1.9 കിലോ എംഡിഎംഎ പിടിച്ചെടുത്തു.
ഓപ്പറേഷന് തൂഫാന്റെ വിജയകരമായ പ്രവര്ത്തനത്തിന് വിവിധ ഏജന്സികളുടെ യോഗം ചേര്ന്നു. പ്രവര്ത്തനം ശക്തമായി തുടരുമെന്നും രമേശ് ചെന്നിത്തല വ്യക്തമാക്കി. ഇന്നത്തെ യോഗത്തില് കേന്ദ്ര ഏജന്സികളും പങ്കെടുത്തു.
കേന്ദ്ര ഏജന്സികളുടെ സഹായത്തോടെ തുടര് പ്രവര്ത്തനം ശക്തമാക്കും. അതിര്ത്തി കടന്നു വരുന്ന ലഹരി മരുന്ന് എങ്ങനെ തടയാമെന്ന് യോഗം ചര്ച്ച ചെയ്തു. എവിടെ നിന്നാണ് ഇവ വരുന്നതെന്ന് പൊലീസ് മനസിലാക്കിയിട്ടുണ്ടെന്നും അദേഹം പറഞ്ഞു