വ്യാജ നിക്ഷേപ പദ്ധതികളിലൂടെയും സംശയാസ്പദമായ ഓൺലൈൻ ട്രേഡിംഗ് പ്ലാറ്റ്ഫോമുകളിലൂടെയും നടക്കുന്ന സാമ്പത്തിക തട്ടിപ്പുകൾക്കെതിരെ കുവൈത്ത് സെൻട്രൽ ബാങ്ക് പൊതുജനങ്ങൾക്ക് കർശന ജാഗ്രതാനിർദ്ദേശം നൽകി. സോഷ്യൽ മീഡിയയും വിവിധ മെസേജിംഗ് ആപ്പുകളും കേന്ദ്രീകരിച്ച് തട്ടിപ്പ് സംഘങ്ങൾ സജീവമാണെന്ന് ബാങ്ക് അധികൃതർ ചൂണ്ടിക്കാട്ടി. ചുരുങ്ങിയ തുക നിക്ഷേപിച്ചാൽ വൻ ലാഭം വേഗത്തിൽ ലഭിക്കുമെന്ന് വാഗ്ദാനം ചെയ്താണ് തട്ടിപ്പുകാർ സാധാരണക്കാരെ വലയിലാക്കുന്നത്.
