തിരുവനന്തപുരം: സംസ്ഥാന നിയമസഭാ തിരഞ്ഞെടുപ്പിലെ അന്തിമ ചിത്രം ഇന്നറിയാം. നാമനിര്ദേശ പത്രിക പിന്വലിക്കാനുള്ള സമയപരിധി ഇന്ന് വൈകുന്നേരം മൂന്നിന് അവസാനിക്കും. സൂക്ഷ്മപരിശോധന പൂര്ത്തിയായപ്പോള് നിലവില് 985 സ്ഥാനാര്ത്ഥികളാണ് മത്സര രംഗത്തുള്ളത്.
ഇന്നലെ നടന്ന പരിശോധനയില് 269 പത്രികകള് വിവിധ കാരണങ്ങളാല് തള്ളിയിരുന്നു. കൊടുവള്ളിയില് ആണ് ഏറ്റവും കൂടുതല് സ്ഥാനാര്ത്ഥികള്. 17 പേരാണ് ഇവിടെ മത്സരിക്കുന്നത്. തിരുവനന്തപുരമാണ് 16 സ്ഥാനാര്ത്ഥികളുമായി തൊട്ടുപിന്നില് ഉള്ളത്.