കൊല്ലം: കൊട്ടിയത്ത് നിര്മാണത്തിലിരുന്ന ദേശീയ പാതയുടെ ഒരു ഭാഗം ഇടിഞ്ഞു താഴ്ന്ന് സര്വീസ് റോഡ് പൂര്ണമായി തകര്ന്നു. സ്കൂള് ബസ് ഉള്പ്പെടെ നിരവധി വാഹനങ്ങള് കുടുങ്ങി. കൊട്ടിയം മൈലക്കാടിന് സമീപമാണ് സംഭവം.
സര്വീസ് റോഡിന്റെ ഒരു ഭാഗമാകെ വിണ്ടു കീറിയ അവസ്ഥയിലാണ്. സ്കൂള് ബസിലുണ്ടായിരുന്ന കുട്ടികളെ സുരക്ഷിത സ്ഥാനത്തേക്ക് മാറ്റി. സ്ഥലത്ത് ഗതാഗതത്തിന് നിയന്ത്രണമേര്പ്പെടുത്തി. വാഹനങ്ങള് തീരദേശ പാത വഴി തിരിച്ചു വിടുന്നുണ്ട്. സംഭവത്തില് അടിയന്തര അന്വേഷണത്തിന് പൊതുമരാമത്ത് മന്ത്രി മുഹമ്മദ് റിയാസ് ഉത്തരവിട്ടിട്ടുണ്ട്.
ദേശീയ പാത അതോറിറ്റി അധികൃതരില് നിന്ന് വിശദീകരണം തേടാനാണ് നിര്ദേശം. എന്താണ് സംഭവിച്ചതെന്ന് സാങ്കേതിക വിദഗ്ദരെ നിയോഗിച്ച് പഠിക്കുമെന്നാണ് ദേശീയപാത അതോറിറ്റിയുടെ വിശദീകരണം.