ന്യൂഡല്ഹി: സുരക്ഷ ഒരുക്കുന്നതിന്റെ ഭാഗമായി ഫോണുകളില് സഞ്ചാര് സാഥി ആപ്പ് നിര്ബന്ധമാക്കാന് കേന്ദ്രസര്ക്കാര് നിര്ദേശിച്ചതായി റിപ്പോര്ട്ട്. എല്ലാ പുതിയ ഫോണുകളിലും കേന്ദ്രസര്ക്കാരിന്റെ സൈബർ സുരക്ഷ ആപ്പായ സഞ്ചാര് സാഥി പ്രീ ഇന്സ്റ്റാള് ചെയ്യാനാണ് സ്മാര്ട്ട്ഫോണ് നിര്മ്മാതാക്കളോട് കേന്ദ്ര ടെലികോം വകുപ്പ് നിര്ദേശം നല്കിയത് എന്നാണ് റിപ്പോര്ട്ടുകള് വ്യക്തമാക്കുന്നത്.
സൈബര് തട്ടിപ്പുകളെ പ്രതിരോധിക്കുന്നതിന് വേണ്ടിയുള്ള നടപടിയെ തുടര്ന്ന് ഇനി ഫോണുകളില് നിന്ന് ഈ ആപ്പ് നീക്കം ചെയ്യാന് സാധിക്കില്ല. 90 ദിവസത്തിനകം ഇത് നടപ്പാക്കാനാണ് ഫോണ് നിര്മ്മാതാക്കള്ക്ക് നല്കിയ നിര്ദേശം. വിതരണ ശൃംഖലയിലുള്ള ഫോണുകളില് സോഫ്റ്റ്വെയര് അപ്ഡേറ്റ് വഴി ആപ്പ് ഇന്സ്റ്റാള് ചെയ്യണമെന്നും നിര്ദേശത്തില് പറയുന്നു. കേന്ദ്ര നിര്ദേശം പ്രമുഖ സ്മാര്ട്ട്ഫോണ് നിര്മ്മാതാക്കളായ ആപ്പിള് അംഗീകരിക്കുമോയെന്ന് സംശയമുണ്ട്. സ്വന്തം ആപ്പുകള് മാത്രമേ ആപ്പിള് ഫോണുകളില് പ്രീന് ഇന്സ്റ്റാള് ചെയ്യാറുള്ളൂ.