തിരുവനന്തപുരം: ഓടുന്ന ട്രെയിനില് നിന്നും മദ്യപന് ചവിട്ടി താഴെയിട്ട് ഗുരുതര പരിക്കേറ്റ യുവതിയുടെ ആരോഗ്യ നിലയില് പുരോഗതി. യുവതിയെ വെന്റിലേറ്ററില് നിന്നും മാറ്റി. എന്നാല് ആരോഗ്യനില പൂര്ണമായും ഭേദമായിട്ടില്ല എന്നാണ് വിവരം. കേരള എക്സ്പ്രസില് വര്ക്കലയില് ഇന്നലെ രാത്രി ഒമ്പതിനായിരുന്നു സംഭവം.
തിരുവനന്തപുരം പേയാട് സ്വദേശിയായ ശ്രീക്കുട്ടി(19) യെ പ്രതി പനച്ചമൂട് സ്വദേശി സുരേഷ് കുമാറിന് യാതൊരു മുന്പരിചയവും ഇല്ലായിരുന്നു എന്നാണ് പൊലീസും റെയില്വെ വൃത്തങ്ങളും നല്കുന്ന വിവരം.
കോട്ടയത്ത് നിന്നാണ് സുരേഷ് കുമാര് കേരളാ എക്സ്പ്രസില് കയറിയത്. പരിക്കേറ്റ ശ്രീക്കുട്ടിയും സുഹൃത്തായ യുവതിയും കയറിയത് ആലുവയില് നിന്നാണ്. പെയിന്റ് തൊഴിലാളിയാണ് പ്രതി. മദ്യപിച്ച് ബോധമില്ലാതെയാണ് ഇയാള് ട്രെയിനില് കയറിയത്