കൊട്ടാരക്കര: ഓണ്ലൈന് തട്ടിപ്പുമായി ബന്ധപ്പെട്ട് കേരള പോലീസിന്റെ സ്പെഷ്യൽ ഡ്രൈവ് ആയ ‘CY – HUNT’ ഓപ്പറേഷൻ ഇന്ന് (30.10.2025) സംസ്ഥാന വ്യാപകമായി നടന്നു. ഇതുമായി ബന്ധപ്പെട്ട് കൊല്ലം റൂറൽ ജില്ലയിൽ ഓൺലൈൻ മണി ചീറ്റിങ്ങുമായി ബംന്ധപ്പെട്ട് 42 ഇടങ്ങളിൽ പരിശോധന നടത്തി. പ്രധാനമായും തട്ടിപ്പുകാർക്ക് ബാങ്ക് അക്കൗണ്ടുകൾ കൈമാറിയവരെയും, എടിഎം കാർഡ്, ചെക്ക് എന്നിവ ഉപയോഗിച്ച് പണം പിൻവലിച്ച് തട്ടിപ്പുകാർക്ക് കൈമാറ്റം ചെയ്തവരെയും കേന്ദ്രീകരിച്ചാണ് പരിശോധന നടത്തിയിട്ടുള്ളത്. ഇന്ന് നടത്തിയ പരിശോധനയിൽ ജില്ലയിൽ 10 കേസുകൾ രജിസ്റ്റർ ചെയ്യുകയും, 5 പ്രതികളെ അറസ്റ്റ് ചെയ്യുകയും, 10 മൊബൈൽ ഫോണുകളും പിടിച്ചെടുത്തിട്ടുള്ളതുമാണ്. ഭാരതീയ ന്യായ സംഹിത സെക്ഷൻ 111, 112 എന്നീവകുപ്പുകൾ പ്രകാരം ഓർഗനൈസിഡ് കുറ്റകൃത്യങ്ങൾ തടയുന്നതിന്റെ ഭാഗമായാണ് ജില്ലയിലും സംസ്ഥാനത്താകമാനവും പരിശോധനകൾ നടത്തിയിട്ടുള്ളത്. അറിഞ്ഞോ അറിയാതെയോ ബാങ്ക് അക്കൗണ്ട് ഡീറ്റെയിൽസും മറ്റും മറ്റുള്ളവർക്ക് കൈമാറുന്നവർ ഇത്തരം കുറ്റകൃത്യങ്ങളിൽ ഉൾപ്പെടാൻ സാധ്യതയുള്ളതിനാൽ ജാഗ്രത പാലിക്കണമെന്ന് ജില്ലാ പോലീസ് മേധാവി അറിയിച്ചു. വരും ദിവസങ്ങളിലും കൂടുതൽ പരിശോധനകളും കൂടുതൽ അറസ്റ്റുകളും നടക്കാൻ സാധ്യതയുണ്ട്.
