തിരുവനന്തപുരം: തെരഞ്ഞെടുപ്പ് മുന്നില് കണ്ട് വമ്പന് പ്രഖ്യാപനങ്ങളുമായി സംസ്ഥാന സര്ക്കാര്. ക്ഷേമ പെന്ഷനും ആശമാരുടെ അലവന്സും കൂട്ടാനും സര്ക്കാര് ജീവനക്കാരുടെ ഡിഎ കുടിശ്ശികയില് ഒരു ഗഡും അനുവദിക്കാനും തീരുമാനിച്ചതായി മുഖ്യമന്ത്രി വാര്ത്താസമ്മേളനത്തില് അറിയിച്ചു. മന്ത്രിസഭാ യോഗത്തിന് ശേഷമായിരുന്നു ബജറ്റ് അവതരണത്തിന് സമാനമായ ജനക്ഷേമ പ്രഖ്യാപനങ്ങള്. ക്ഷേമ പെന്ഷന് 400 രൂപ കൂട്ടുന്നതോടെ 1600 ല് നിന്നും 2000 രൂപയായി വര്ധിപ്പിച്ചു. ഇതിനായി 13,000 കോടി നീക്കിവെക്കും.
