കേരള പോലീസ് ഓഫീസെർസ് അസോസിയേഷൻ കൊല്ലം റൂറൽ ജില്ലാ കമ്മിറ്റിയുടെ ആഭിമുഖ്യത്തിൽ ചിറ്റുമല ബ്ലോക്ക് പഞ്ചായത്ത് കോൺഫെറെൻസ്ഹാളിൽ വച്ചു നടന്ന ശില്പശാല KPOA ജില്ല പ്രസിഡന്റ് ശ്രീ രാജേഷിന്റെ അദ്ധ്യക്ഷതയിൽ ജില്ല പോലീസ് മേധാവി ശ്രീ വിഷ്ണു പ്രദീപ് ടി കെ IPS ഉദ്ഘാടനം ചെയ്തു. ജില്ല സെക്രട്ടറി ശ്രീ സുജിത് എസ് എൽ സ്വാഗതം പറഞ്ഞ യോഗത്തിൽ സംസ്ഥാന പ്രസിഡന്റ് ശ്രീ പ്രശാന്ത്, ട്രഷറർ ശ്രീ പ്രേം ജി കെ നായർ, സംസ്ഥാന കമ്മിറ്റിയംഗങ്ങളായ നിസ്സാമുദീൻ, ഷൈജു, ഷിനോദാസ്, ജില്ല ട്രഷറർ വിനോദ് തുടങ്ങിയവർ സംസാരിച്ചു. ജില്ല എക്സിക്യൂട്ടീവ് അംഗങ്ങൾ,ജില്ല കമ്മിറ്റിയംഗങ്ങൾ, തിരഞ്ഞെടുക്കപ്പെട്ട പ്രതിനിധികൾ ഉൾപ്പടെ നൂറോളം പേര് പങ്കെടുത്ത സംവാദ പരിപാടിയിൽ വർത്തമാന കാല പോലീസിലെ പ്രതിസന്ധികൾ പരിഹാര മാർഗങ്ങൾ, ആധുനിക വൽക്കരണം, ഭൗതിക സാഹചര്യം വർധിപ്പിക്കൽ എന്നിവയിൽ കൂടി വരും കാല പോലീസിനെ രൂപപെടുത്തി കൂടുതൽ ജനക്ഷേമകരവും, പ്രയോഗികവുമായ പോലീസ് സംവിധാനം എങ്ങിനെ നടപ്പിൽ വരുത്താം എന്ന നിലയിൽ സമഗ്രമായ ചർച്ചയും നിർദ്ദേങ്ങളും ഉയർന്നുവന്നു. ജില്ല ജോയിന്റ് സെക്രട്ടറി അനിത കുമാരി നന്ദി പറഞ്ഞു.
