കൊട്ടാരക്കര:ജൈവകൃഷി രീതികളിലൂടെ സുരക്ഷിതവും പോഷകസമൃദ്ധവുമായ ഭക്ഷണം ജനങ്ങൾക്ക് ഉറപ്പുവരുത്തുന്നതിനോടൊപ്പം കാർഷിക രംഗത്ത് പുരോഗതിയും, അഭിവൃദ്ധിയും, കർഷകരുടെ വരുമാന വർദ്ധനവും ലക്ഷ്യമിട്ട് കേന്ദ്ര-സംസ്ഥാന സർക്കാരുകളുടെ സംയുക്ത സഹായത്തോടെ നടപ്പിലാക്കി വരുന്ന ഭാരതീയ പ്രകൃതികൃഷി പദ്ധതി (BPKP) യുടെ ബ്ലോക്ക്തല കിസാൻ മേള വെട്ടിക്കവല ബ്ലോക്ക് പഞ്ചായത്ത് അങ്കണത്തിൽ ബ്ലോക്ക് പഞ്ചായത്ത് പ്രസിഡന്റ് എസ് രഞ്ജിത്തിന്റെ അധ്യക്ഷതയിൽ ഗതാഗത വകുപ്പ് മന്ത്രി കെ.ബി. ഗണേഷ്കുമാർ ഉദ്ഘാടനം നിർവ്വഹിച്ചു. ജില്ലാ പ്രിൻസിപ്പൽ കൃഷി ഓഫീസർ അനീസ എം എസ് പദ്ധതി വിശദീകരണം നടത്തി. ഗ്രാമപഞ്ചായത്ത് പ്രസിഡണ്ടുമാർ ജില്ലാ പഞ്ചായത്ത്- ബ്ലോക്ക് പഞ്ചായത്ത് അംഗങ്ങൾ തുടങ്ങിയവർ പങ്കെടുത്തു. ബ്ലോക്ക് പഞ്ചായത്ത് വൈസ് പ്രസിഡന്റ് ദിവ്യ ചന്ദ്രശേഖർ സ്വാഗതവും വെട്ടിക്കവല കൃഷി അസിസ്റ്റന്റ് ഡയറക്ടർ സരിത വിഎസ് നന്ദിയും പറഞ്ഞു.കിസാൻ മേളയുടെ ഭാഗമായി കാർഷിക പ്രദർശനം, കാർഷിക സെമിനാർ, കാർഷിക യന്ത്രങ്ങളുടെ മെഗാ സർവ്വീസ് ക്യാമ്പ് എന്നിവ സംഘടിപ്പിച്ചു.
