കൊല്ലം ജില്ലാ സ്പോർട്സ് കൗൺസിലിന്റെ ആഭിമുഖ്യത്തിൽ കായിക താരങ്ങളെയും പരിശീലകരെയും ആദരിക്കുന്ന ചടങ്ങിന്റെ ഉദ്ഘാടനം ധനകാര്യ വകുപ്പ് മന്ത്രി ശ്രീ കെ എൻ ബാലഗോപാൽ നിർവഹിച്ചു. കായിക പരിശീലനത്തിന് കൂടുതൽ അടിസ്ഥാന സൗകര്യങ്ങൾ ഒരുക്കുമെന്നും മികച്ച കായിക താരങ്ങളെ സൃഷ്ടിക്കാൻ ജില്ലയ്ക്ക് കഴിഞ്ഞുവെന്നും കായിക പരിശീലന രംഗത്ത് അറിയപ്പെടുന്ന പല സ്ഥാപനങ്ങളും കൊല്ലത്തുണ്ടെന്നും ഹോക്കി സ്റ്റേഡിയം പ്രവർത്തനം ആരംഭിച്ചുവെന്നും കർബലയിലെ ലാൽ ബഹദൂർ സ്റ്റേഡിയത്തിൽ ഫ്ലഡ്ലൈറ്റ്, സിന്തറ്റിക് ട്രാക്ക് എന്നിവ നിർമിക്കാൻ കൂടുതൽ പണം അനുവദിക്കുമെന്നും അടിസ്ഥാന സൗകര്യങ്ങൾ ഒരുക്കുന്നതിനൊപ്പം മികച്ച പരിശീലകരെയും അനുബന്ധ ജീവനക്കാരെയും നിയമിക്കുമെന്നും ഇതുവരെ 973 സ്പോർട്സ് താരങ്ങൾക്ക് വിവിധ സർക്കാർ വകുപ്പുകളിൽ ജോലി നൽകിയെന്നും . ബഡ്ജറ്റിൽ അംഗീകരിച്ച മാരിടൈം മ്യൂസിയം പദ്ധതി, ഇൻഡോർ സ്റ്റേഡിയം എന്നിവയുടെ നിർമാണം ത്വരിതപെടുത്തുമെന്നും മന്ത്രി പറഞ്ഞു.
