കൊട്ടാരക്കര: അരിവാങ്ങാനെന്ന വ്യാജേന എത്തിയ യുവാവ് കോട്ടാത്തലയയിൽ പലചരക്ക് കടയിൽ നിന്നും നാല്പതിനായിരം രൂപ കവർന്നു. മൂഴിക്കോട് ജംഗ്ഷനിൽ ജയദേവന്റെ ജയാ സ്റ്റോറിലായിരുന്നു മോഷണം. ഞായറാഴ്ച രാവിലെ പത്തരയോടെ ആയിരുന്നു സംഭവം. ആറു ചാക്ക് അരിവേണമെന്നാവശ്യപ്പെട്ടാണ് മുപ്പത്തിയഞ്ച് വയസ്സോളം പ്രായമുള്ള യുവാവ് എത്തിയത്. അരിയെടുക്കുന്നതിനു മുമ്പായി അഞ്ഞൂറ് രൂപയുടെ ചില്ലറ ആവശ്യപ്പെട്ടിരുന്നു. ചില്ലറ നൽകിയശേഷം അരി ചാക്കുകൾ എടുക്കുന്നതിനായി ഉടമ കടയുടെ പിന്നിലേക്കു പോയപ്പോഴാണ് മേശയിലുണ്ടായിരുന്ന പണം കവർന്ന് യുവാവ് ഓടിക്കളഞ്ഞത്.
