കൊട്ടാരക്കര: ടോറസ് വാഹനം പുലമണിലെ സ്വകാര്യ ആശുപത്രിവളപ്പിലേക്ക് നിയന്ത്രണം വിട്ട് കയറി മതിലും, ഗേറ്റും തകർത്തു. ഇന്ന് പുലർച്ചെ 2.45നായിരുന്നു അപകടം. ആര്യങ്കാവിൽ നിന്നും കൊല്ലത്തേക്ക് പോകുകയായിരുന്ന ടോറസ് നിയന്ത്രണം വിട്ട് ആശുപത്രിവളപ്പിലേക്ക് ഇടിച്ചു കയറി ഗേറ്റും, മതിലും തകർക്കുകയായിരുന്നു. ഡ്രൈവർ ഉറങ്ങിപ്പോയതാണ് അപകടകാരണം. വാഹനത്തിൽ മറ്റാരും ഉണ്ടായിരുന്നില്ല. ഡ്രൈവർ ആര്യങ്കാവ് 16ഏക്കർ ചരുവിള വീട്ടിൽ സൂര്യ (27)യെ കാലിന് സാരമായ പരിക്കുകളോടെ സ്വകാര്യ ആശുപത്രിയിൽ പ്രവേശിപ്പിച്ചു. കൊട്ടാരക്കര പോലീസ് കേസെടുത്തു.
