കൊട്ടാരക്കര : സംസ്ഥാനത്തെ മികച്ച എസ്.പി.സി കമ്മ്യൂണിറ്റി പോലീസ് ഓഫീസർ ആയി കൊല്ലം ജില്ലയിൽനിന്ന് തൃക്കണ്ണമംഗൽ എസ്.കെ.വി.വി.എച്ച്. എസ്. എസിലെ എസ്. പ്രദീപ്കുമാർ തെരഞ്ഞെടുക്കപ്പെട്ടു. സംസ്ഥാനത്ത് 19 പേരാണ് ഇത്തവണ മികച്ച സി.പി ഓ. മാരുടെ പട്ടികയിൽ ഉള്ളത്. അതിൽ ജില്ലയിൽ നിന്നുള്ള ഏക അംഗമാണ് ഇദ്ദേഹം. എസ്. കെ. വി. സ്കൂളിൽ കായിക അധ്യാപകനായി 28 വർഷം പൂർത്തിയാക്കുന്ന പ്രദീപ്കുമാർ എസ്. കഴിഞ്ഞ 14 വർഷമായി എസ്.പി.സി. കമ്മ്യൂണിറ്റി പോലീസ് ഓഫീസറാണ്. ഉമ്മന്നൂർ പാറങ്കോട് സ്വദേശിയാണ്. കായികാധ്യാപക സംഘടനയുടെ മുൻ സംസ്ഥാന ജനറൽ സെക്രട്ടറി, 4 തവണ സ്പോർട്സ് ആൻ്റ് ഗെയിംസ് കൊല്ലം ജില്ല സെക്രട്ടറി എന്നീ സ്ഥാനങ്ങൾ വഹിച്ചിട്ടുണ്ട്. നിലവിൽ കായികാദ്ധ്യാപക സംഘടനയുടെ സംസ്ഥാന വൈസ് പ്രസിഡൻ്റാണ്. സ്റ്റുഡൻറ് പോലീസ് കേഡറ്റ്സിൻ്റെ വ്യക്തിത്വ വികസനത്തിന് ഊന്നൽ നൽകി നൂതന പരിപാടികൾ നടത്തി ശ്രദ്ധേയനായിട്ടുണ്ട്.
