കശ്മീര്: ജമ്മു കശ്മീരിലെ മേഘവിസ്ഫോടനത്തില് 15 പേര് മരിച്ചതായി റിപ്പോര്ട്ട്. 50ലധികം പേർക്ക് പരിക്കേല്ക്കുകയും ചെയ്തു. കശ്മീരിലെ കിഷ്ത്വാര് ജില്ലയിലെ ചോസിതിയിലാണ് സംഭവം. വ്യാഴാഴ്ച ഉച്ച കഴിഞ്ഞുണ്ടായ മേഘവിസ്ഫോടനത്തെ തുടര്ന്ന് മിന്നല് പ്രളയം ഉണ്ടാവുകയായിരുന്നു. രക്ഷാപ്രവര്ത്തനം തുടരുകയാണ്.കിഷ്ത്വാറിലെ മചൈല് മാതാ തീര്ത്ഥാടന കേന്ദ്രത്തിലേയ്ക്കുള്ള പാത ആരംഭിക്കുന്നിടത്താണ് മേഘവിസ്ഫോടനവും പെട്ടെന്നുള്ള വെള്ളപ്പൊക്കവും ഉണ്ടായത്. സംഭവത്തെ തുടര്ന്ന് ക്ഷേത്രത്തിലേക്ക് യാത്രാ നിരോധനം ഏര്പ്പെടുത്തിയതായി ഉദ്യോഗസ്ഥര് അറിയിച്ചു. തീര്ത്ഥാടകരെ ഒഴിപ്പിക്കുന്നത് വീഡിയോ ദൃശ്യങ്ങളില് കാണാം.
