ചെന്നൈ: തമിഴ്നാട്ടില് ഹോസ്റ്റലിലുണ്ടായ തീ പിടിത്തത്തില് രണ്ട് യുവതികള് പൊള്ളലേറ്റു മരിച്ചു. ശരണ്യ, പരിമളം എന്നിവരാണ് മരിച്ചതെന്ന് വാര്ത്താ ഏജന്സി റിപ്പോര്ട്ടുചെയ്തു. പരുക്കേറ്റ അഞ്ച് പേര് ആശുപത്രിയില് ചികിത്സയിലാണ്. മധുരയിലെ കത്രപാളയത്ത് പ്രവര്ത്തിച്ചിരുന്ന ഹോസ്റ്റലിലാണ് തീപിടുത്തമുണ്ടായത്.
വ്യാഴാഴ്ച്ച പുലര്ച്ചെ നാല് മണിയോടെയാണ് തീപിടിത്തമുണ്ടായത്. അഗ്നിശമന സേന സ്ഥലത്തെത്തി തീകെടുത്തി. ഷോര്ട്ട് സര്ക്യൂട്ടാണ് അപകട കാരണമെന്നാണ് പ്രാഥമിക നിഗമനം. മൃതദേഹങ്ങള് തുടര്നടപടികള്ക്കായി സര്ക്കാര് ആശുപത്രിയിലേക്ക് മാറ്റി.