കോഴഞ്ചേരി ജില്ലാ ആശുപത്രിയിൽ അക്രമം കാണിച്ചതിന് കസ്റ്റഡിയിലെടുത്ത പ്രതിയെ സ്റ്റേഷന്റെ രണ്ടാം നിലയിലുള്ള ഭാഗത്തേക്ക് കൊണ്ടുപോകുമ്പോൾ പടികൾ കയറുന്നതിനിടെ യുവാവ് അക്രമാസക്തനാകുകയും പോലീസിന് നേരെ തിരിയുകയുമായിരുന്നു.ആറന്മുള മല്ലപ്പുഴശ്ശേരി കാഞ്ഞിരവേലി അങ്ങേ വീട്ടിൽ അഭിലാഷ് ആണ് അറസ്റ്റിലായത്.ആറന്മുള സ്റ്റേഷനിലെ എസ് ഐ സാജു പി ജോർജിനാണു പരിക്കേറ്റത്. മറ്റ് പോലീസുകാർ പ്രതിയെ പിടികൂടി. കോഴഞ്ചേരി ജനറൽ ആശുപത്രിയിൽ പ്രവേശിപ്പിച്ച എസ് ഐയുടെ കൈക്കു ശസ്ത്രക്രിയ ആവശ്യമാണ്.
സർക്കാർ ജീവനക്കാരനെ ഡ്യൂട്ടിക്കിടെ ആക്രമിക്കുകയും ജോലി തടസപ്പെടുത്തുകയും ഉൾപ്പടെയുള്ള വകുപ്പുകൾ ചേർത്താണ് കേസ് എടുത്തിരിക്കുന്നത്. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.
കടപ്പാട്