സ്വദേശാഭിമാനി കേസരി പുരസ്‌കാരവും സംസ്ഥാന മാധ്യമ പുരസ്‌കാരങ്ങളും സമർപ്പിച്ചു

Back To Homepage Subscribe To RSS Feed

Breaking News

നല്ല ഭക്ഷണ ശീലങ്ങൾ എല്ലാവരും ഏറ്റെടുക്കണം: മന്ത്രി വീണാ ജോർജ് നല്ല ഭക്ഷണശീലങ്ങൾ എല്ലാവരും ഏറ്റെടുക്കേണ്ട ഘട്ടമാണെന്ന് ആരോഗ്യ മന്ത്രി വീണാ ജോർജ്. നമ്മുടെ ശരീരവും ആരോഗ്യവും നമുക്ക് ചുറ്റുമുള്ള രോഗങ്ങളും ഇതുനമ്മെ ഓർമ്മിപ്പിക്കുന്നു. കുഞ്ഞുങ്ങളുടെ ആഹാരശീലങ്ങൾ പ്രത്യേകം ശ്രദ്ധിക്കണം. ജീവിതശൈലീ രോഗങ്ങൾ പ്രതിരോധിക്കേണ്ടത് പ്രധാനമാണെന്നും മന്ത്രി വ്യക്തമാക്കി. ചെറുധാന്യ വർഷം 2023ന്റെ...
തൊഴിലുറപ്പ് പദ്ധതിയെ ജലസംരക്ഷണ പ്രവർത്തനങ്ങളുമായി കൂടുതൽ ബന്ധിപ്പിക്കണമെന്ന് മന്ത്രി മഹാത്മാഗാന്ധി ദേശീയ ഗ്രാമീണതൊഴിലുറപ്പ് പദ്ധതിയെ ജലസംരക്ഷണ പ്രവർത്തനങ്ങളുമായി കൂടുതൽ ബന്ധിപ്പിക്കണമെന്ന് സംസ്ഥാന തദ്ദേശസ്വയംഭരണ മന്ത്രി എം.ബി രാജേഷ്. ‘കാലാവസ്ഥാ വ്യതിയാനം നേരിടാനുള്ള പ്രവർത്തനങ്ങളിൽ തൊഴിലുറപ്പ് പദ്ധതിയെ കണ്ണി ചേർത്തിട്ടുണ്ട്. മണ്ണ് സംരക്ഷണ പ്രവർത്തനങ്ങൾ, കുളം നിർമിക്കൽ എന്നിവ ഇതിന്റെ ഭാഗമാണ്. കുളങ്ങൾ നിർമിക്കുമ്പോൾ...
വേനൽക്കാലത്ത് കുഞ്ഞുങ്ങളെ പ്രത്യേകം കരുതണം: മന്ത്രി വീണാ ജോർജ് വേനൽക്കാലത്ത് കുഞ്ഞുങ്ങളെ പ്രത്യേകം കരുതണമെന്ന് ആരോഗ്യ വനിത ശിശുവികസന വകുപ്പ് മന്ത്രി വീണാ ജോർജ്. അങ്കണവാടികളും ഡേകെയർ സെന്ററുകളും പ്രത്യേകം ശ്രദ്ധിക്കണം. കുട്ടികൾക്കുള്ള പോഷകാഹാരങ്ങളും മറ്റും നൽകേണ്ടതിനാൽ അങ്കണവാടികൾ പ്രവർത്തിക്കാതിരുന്നാൽ ബുദ്ധിമുട്ടാകും. ചൂട് വർധിച്ചു വരുന്നതിനാൽ കുട്ടികൾക്ക് നിർജലീകരണം ഉണ്ടാകാതെ നോക്കണം....
എന്റെ കേരളം 2023 മെഗാ പ്രദര്‍ശനം:സംസ്ഥാനതല ഉദ്ഘാടനംഏപ്രില്‍ 3ന് എറണാകുളത്ത് സംസ്ഥാന സര്‍ക്കാരിന്റെ വികസന ക്ഷേമ നേട്ടങ്ങളും ജനോപകാരപ്രദമായ പദ്ധതികളും പ്രചരിപ്പിക്കുന്ന എന്റെ കേരളം മെഗാ പ്രദര്‍ശന-വിപണന മേളയുടെ രണ്ടാം പതിപ്പിന്റെ സംസ്ഥാനതല ഉദ്ഘാടനം എറണാകുളത്ത് നടക്കും. മറൈന്‍ഡ്രൈവില്‍ ഏപ്രില്‍ മൂന്നിന് വൈകിട്ട് ഏഴിന് മുഖ്യമന്ത്രി പിണറായി വിജയന്‍ ഉദ്ഘാടനം നിര്‍വഹിക്കും. യുവതയുടെ...
ഗാർഹികപീഡന നിരോധ നിയമം നടപ്പാകുന്നുവെന്ന് ഉറപ്പുവരുത്തുന്ന നിലയിലേക്ക് സമൂഹം മാറണമെന്ന് വനിതാ കമ്മീഷൻ അധ്യക്ഷ ഗാർഹിക അതിക്രമങ്ങളിൽ നിന്ന് വനിതകളെ സംരക്ഷിക്കുന്ന നിയമം കടലാസിൽ ഒതുങ്ങാതെ കൃത്യമായി നടപ്പാക്കുന്നുവെന്ന് ഉറപ്പിക്കുന്ന രീതിയിലേക്ക് പൊതുബോധം മാറണമെന്ന് സംസ്ഥാന വനിതാ കമ്മീഷൻ അധ്യക്ഷ പി സതീദേവി. വനിതാ സംരക്ഷണ ഓഫീസർമാർക്കും സേവനദാതാക്കൾക്കുമായുള്ള ഏകദിന സെമിനാർ ‘ഗാർഹിക അതിക്രമങ്ങളിൽ നിന്ന് വനിതകളെ...

സ്വദേശാഭിമാനി കേസരി പുരസ്‌കാരവും സംസ്ഥാന മാധ്യമ പുരസ്‌കാരങ്ങളും സമർപ്പിച്ചു

March 01

12:32 2023

Print This Article Share it With Friends

by asianmetronews 0 Comments

മാധ്യമ പ്രവർത്തനത്തിലെ സമഗ്ര സംഭാവനയ്ക്കു സംസ്ഥാന സർക്കാർ നൽകുന്ന പരമോന്നത പുരസ്‌കാരമായ 2020ലെ സ്വദേശാഭിമാനി കേസരി പുരസ്‌കാരം ദേശാഭിമാനി ദിനപത്രം മുൻ അസോസിയേറ്റ് എഡിറ്ററും മുതിർന്ന മാധ്യമ പ്രവർത്തകനുമായ എസ്.ആർ. ശക്തിധരനു മുഖ്യമന്ത്രി പിണറായി വിജയൻ സമർപ്പിച്ചു. 2020, 2021 വർഷങ്ങളിലെ സംസ്ഥാന മാധ്യമ പുരസ്‌കാരങ്ങളും 2020ലെ സംസ്ഥാന ഫോട്ടോഗ്രഫി പുരസ്‌കാരങ്ങളും മുഖ്യമന്ത്രി വിതരണം ചെയ്തു.

ഒരു ലക്ഷം രൂപയും കാനായി കുഞ്ഞിരാമൻ രൂപകൽപ്പന ചെയ്ത ശിൽപ്പവും പ്രശസ്തിപത്രവുമടങ്ങുന്നതാണു സ്വദേശാഭിമാനി – കേസരി പുരസ്‌കാരം. 2020ൽ അച്ചടി മാധ്യമ വിഭാഗത്തിൽ മികച്ച ജനറൽ റിപ്പോർട്ടിങ്ങിന് മാധ്യമം ദിനപത്രത്തിലെ കെ. നൗഫൽ, വികസനോന്മുഖ റിപ്പോർട്ടിങിന് ദീപിക ദിനപത്രത്തിലെ റെജി ജോസഫ്, ന്യൂസ് ഫോട്ടോഗ്രഫിക്ക് കേരള കൗമുദിയിലെ എൻ.ആർ. സുധർമദാസ്, കാർട്ടൂണിന് കേരള കൗമുദിയിലെ ടി.കെ. സുജിത് എന്നിവർ മുഖ്യമന്ത്രിയിൽനിന്നു പുരസ്‌കാരം ഏറ്റുവാങ്ങി. ദൃശ്യ മാധ്യമ വിഭാഗത്തിൽ മികച്ച ടിവി ന്യൂസ് റിപ്പോർട്ടിങ്ങിന് ഏഷ്യാനെറ്റ് ന്യൂസിലെ അനൂപ് ബാലചന്ദ്രൻ, സാമൂഹ്യ ശാക്തീകരണ റിപ്പോർട്ടിങ്ങിന് ഏഷ്യാനെറ്റ് ന്യൂസിലെ എസ്. അജിത്കുമാർ, അഭിമുഖത്തിന് 24 ന്യൂസിലെ ഗോപികൃഷ്ണൻ, ന്യൂസ് റീഡിങ്ങിന് മനോരമ ന്യൂസിലെ ഫിജി തോമസ്, ടിവി ന്യൂസ് ക്യാമറയ്ക്ക് ഏഷ്യാനെറ്റ് ന്യൂസിലെ എം. ദീപു, ടിവി ന്യൂസ് എഡിറ്റിങിന് മനോരമ ന്യൂസിലെ ബെന്നി ജേക്കബ് എന്നിവരും ഫോട്ടോഗ്രഫിയിൽ ജൂറിയുടെ പ്രത്യേക പരാമർശത്തിന് അർഹനായ ദേശാഭിമാനി ദിനപത്രത്തിലെ പി.വി. സുജിത്ത്, ടിവി ന്യൂസ് റിപ്പോർട്ടിങ്ങിൽ ജൂറി പ്രത്യേക പരാമർശത്തിന് അർഹയായ മാതൃഭൂമി ന്യൂസിലെ റിയ ബേബി, ടിവി ന്യൂസ് ക്യാമറയ്ക്കു ജൂറി പ്രത്യേക പരാമർശത്തിന് അർഹനായ മനോരമ ന്യൂസിലെ വി.വി. വിനോദ് കുമാർ എന്നിവരും പുരസ്‌കാരം ഏറ്റുവാങ്ങി.

2021ൽ അച്ചടി മാധ്യമ വിഭാഗത്തിലെ മികച്ച ജനറൽ റിപ്പോർട്ടിങ്ങിന് ദേശാഭിമാനി ദിനപത്രത്തിലെ വിനോദ് പായം, വികസനോന്മുഖ റിപ്പോർട്ടിങ്ങിന് മാതൃഭൂമി ദിനപത്രത്തിലെ അനു എബ്രഹാം, ന്യൂസ് ഫോട്ടോഗ്രഫിക്ക് മാതൃഭൂമിയിലെ കെ.കെ. സന്തോഷ്, മലയാള മനോരമയിലെ അരുൺ ശ്രീധർ, കാർട്ടൂണിന് മാതൃഭൂമിയിലെ കെ. ഉണ്ണിക്കൃഷ്ണൻ, ടിവി ന്യൂസ് റിപ്പോർട്ടിങ്ങിന് ഏഷ്യാനെറ്റ് ന്യൂസിലെ എസ്. ശ്യാംകുമാർ, സാമൂഹ്യ ശാക്തീകരണ റിപ്പോർട്ടിന് മാതൃഭൂമി ന്യൂസിലെ അമൃത എ.യു, ടിവി അഭിമുഖത്തിന് മനോരമ ന്യൂസിലെ ജയമോഹൻ നായർ, ന്യൂസ് റീഡിങ്ങിന് മനോരമ ന്യൂസിലെ ടി.പി. ഷാനി, ടിവി ന്യൂസ് ക്യാമറയ്ക്ക് ഏഷ്യാനെറ്റ് ന്യൂസിലെ കൃഷ്ണപ്രസാദ് ആർ.പി, ടിവി ന്യൂസ് എഡിറ്റിങ്ങിന് ഏഷ്യാനെറ്റ് ന്യൂസിലെ വി. വിജയകുമാർ എന്നിവർക്കു മുഖ്യമന്ത്രി പുരസ്‌കാരങ്ങൾ സമ്മാനിച്ചു.

2020ലെ ഫോട്ടോഗ്രഫി പുരസ്‌കാരങ്ങളിൽ ഒന്നാം സ്ഥാനം നേടിയ കാസർകോഡ് കുഡ്ലു രാംദാസ് നഗറിൽ അനിൽകുമാർ, രണ്ടാം സ്ഥാനം നേടിയ കോഴിക്കോട് കക്കോടി കിഴക്കുമുറി കരമംഗലത്തുതാഴം ഷിജു വാണി, മൂന്നാം സ്ഥാനം നേടിയ കണ്ണൂർ പയ്യന്നൂർ തായിനേരി അംബികയിൽ പി.വി. പ്രമോദ് എന്നിവരും പ്രോത്സാഹന സമ്മാനത്തിന് അർഹരായ ഇജാസ് പുനലൂർ, മണികണ്ഠൻ കോലഴി, എം.കെ. ആൽഫ്രഡ്, പി. ദിൽജിത്ത്, ഇ. ഗോകുൽ, എം.ജെ. രതീഷ് കുമാർ, അഞ്ജു അഖിൽ, പി. മധുസൂദനൻ, മിലൻ ജോൺ എന്നിവരും പുരസ്‌കാരങ്ങൾ ഏറ്റുവാങ്ങി.

മാധ്യമ പുരസ്‌കാരങ്ങളുടെ വിവരങ്ങൾ ഉൾപ്പെടുത്തി ഇൻഫർമേഷൻ – പബ്ലിക് റിലേഷൻസ് വകുപ്പ് തയാറാക്കിയ ‘കാവലാൾ – സത്യത്തിന്റെ സൂക്ഷിപ്പുകാർ’ എന്ന കൈപ്പുസ്തകം പൊതുവിദ്യാഭ്യാസ, തൊഴിൽ വകുപ്പ് മന്ത്രി വി. ശിവൻകുട്ടി പ്രകാശനം ചെയ്തു. ഗതാഗത മന്ത്രി ആന്റണി രാജു അധ്യക്ഷത വഹിച്ചു. മേയർ ആര്യ രാജേന്ദ്രൻ, ജില്ലാ പഞ്ചായത്ത് പ്രസിഡന്റ് ഡി. സുരേഷ് കുമാർ, കേരള മീഡിയ അക്കാദമി ചെയർമാൻ ആർ.എസ്. ബാബു, കെ.യു.ഡബ്ല്യു.ജെ. ജനറൽ സെക്രട്ടറി ആർ. കിരൺ ബാബു, ഇൻഫർമേഷൻ – പബ്ലിക് റിലേഷൻസ് വകുപ്പ് അഡിഷണൽ ചീഫ് സെക്രട്ടറി പുനീത് കുമാർ, ഡയറക്ടർ ടി.വി. സുഭാഷ് തുടങ്ങിയവരും പങ്കെടുത്തു. പുരസ്‌കാര സമർപ്പണ ചടങ്ങിനു ശേഷം ചുമടുതാങ്ങി ബാൻഡ് അവതരിപ്പിച്ച സംഗീത പരിപാടിയും അരങ്ങേറി.