Asian Metro News

കൊട്ടാരക്കര എസ്.ജി കോളേജില്‍ റാഗിംഗ് ചോദ്യം ചെയ്ത കെ.എസ്.യു വിദ്യാര്‍ത്ഥികള്‍ക്ക് ക്രൂര മര്‍ദ്ദനം

 Breaking News
  • നഗരസഭകളിൽ 99 യുവ പ്രൊഫഷണലുകളെ നിയമിക്കും നഗരങ്ങളിലെ ശുചിത്വ-മാലിന്യ സംസ്‌കരണ സംവിധാനങ്ങളുടെ നിർവഹണം കാര്യക്ഷമമാക്കുന്നതിന് യുവ പ്രൊഫഷണലുകളെ നിയമിക്കുമെന്ന് തദ്ദേശ സ്വയം ഭരണ എക്‌സൈസ് വകുപ്പ് മന്ത്രി എം ബി രാജേഷ് പറഞ്ഞു. കോർപറേഷനുകളിൽ രണ്ടുവീതവും, മുൻസിപ്പാലിറ്റികളിൽ ഒന്നുവീതവും ആളുകളെയാണ് നിയോഗിക്കുക. ഇങ്ങനെ ആകെ 99 യുവ പ്രൊഫഷണലുകളെയാണ് നിയമിക്കാൻ ലക്ഷ്യമിടുന്നത്. ബി...
  • സംസ്ഥാന കായിക മേളക്ക് വിപുലമായ സൗകര്യങ്ങൾ സജ്ജം: മന്ത്രി വി ശിവൻകുട്ടി അറുപത്തി നാലാമത് സംസ്ഥാന സ്‌കൂൾ കായികോത്സവം ഡിസംബർ 3 മുതൽ 6 വരെ തിരുവനന്തപുരം ചന്ദ്രശേഖരൻ നായർ സ്റ്റേഡിയം, യൂണിവേഴ്സിറ്റി സ്റ്റേഡിയം എന്നിവിടങ്ങളിൽ വച്ച് നടത്തുമെന്ന് പൊതുവിദ്യാഭ്യാസ വകുപ്പ് മന്ത്രി വി. ശിവൻകുട്ടി. നാല് വർഷത്തെ ഇടവേളയ്ക്കുശേഷമാണ് തലസ്ഥാന നഗരി കായികോത്സവത്തിന്...
  • വർക്ക് നിയർ ഹോമുകൾ വൈവിധ്യ തൊഴിലുകളെ സ്വീകരിക്കണം: മന്ത്രി കെ.എൻ. ബാലഗോപാൽ ഐടിക്കു പുറമേ വൈവിധ്യങ്ങളായ മറ്റു തൊഴിൽ മേഖലകളേയും സ്വീകരിക്കുന്നതാകണം വർക്ക് നിയർ ഹോം പദ്ധതിയെന്ന് ധനമന്ത്രി കെ.എൻ. ബാലഗോപാൽ. സംസ്ഥാന സർക്കാർ വിഭാവനം ചെയ്തു നടപ്പാക്കുന്ന വർക്ക് നിയർ ഹോമുകൾ സ്ഥാപിക്കുന്നതു സംബന്ധിച്ച അഭിപ്രായങ്ങളും നിർദേശങ്ങളും സ്വീകരിക്കുന്നതിനായി വിവിധ മേഖലകളിലെ പ്രമുഖരെ...
  • മിൽമ പാലിൻ്റേയും പാൽ ഉത്പന്നങ്ങളുടേയും വില വർധന നിലവിൽ വന്നു തിരുവനന്തപുരം: മിൽമ പാലിനും പാൽ ഉത്പന്നങ്ങളുടേയും വില വർധന നിലവൽ വന്നു. ലിറ്ററിന് ആറ് രൂപയാണ് പാലിന് കൂടിയത്. അരലിറ്റർ തൈരിന് 35 രൂപയാകും പുതിയ വില. ക്ഷീരകർഷകരുടെ നഷ്ടം നികത്താൻ പാൽ ലിറ്ററിന് എട്ട് രൂപ 57 പൈസ കൂട്ടണമെന്നായിരുന്നു...
  • വിദ്യാർഥികളിൽ ശാസ്ത്രബോധവും യുക്തി ചിന്തയും വളരണം: മന്ത്രി ഡോ.ആർ ബിന്ദു വൈജ്ഞാനിക അന്വേഷണത്തിലൂടെ ശാസ്ത്രബോധവും യുക്തിചിന്തയും വിദ്യാർഥികളിൽ രൂപപ്പെടണമെന്ന്  ഉന്നത വിദ്യാഭ്യാസ വകുപ്പ് മന്ത്രി ഡോ.ആർ. ബിന്ദു  അഭിപ്രായപ്പെട്ടു. സൈറ്റക് – സയന്റിഫിക് ടെമ്പർമെന്റ് ആൻഡ് അവയർനസ് ക്യാമ്പയിൻ എന്ന പേരിൽ ശാസ്ത്ര സാങ്കേതിക മ്യൂസിയത്തിലേക്ക് മൂന്നുമാസം നീളുന്ന  സ്‌കൂൾ വിദ്യാർഥികൾക്കായുള്ള  സന്ദർശന...

കൊട്ടാരക്കര എസ്.ജി കോളേജില്‍ റാഗിംഗ് ചോദ്യം ചെയ്ത കെ.എസ്.യു വിദ്യാര്‍ത്ഥികള്‍ക്ക് ക്രൂര മര്‍ദ്ദനം

കൊട്ടാരക്കര എസ്.ജി കോളേജില്‍ റാഗിംഗ് ചോദ്യം ചെയ്ത കെ.എസ്.യു വിദ്യാര്‍ത്ഥികള്‍ക്ക് ക്രൂര മര്‍ദ്ദനം
October 17
22:55 2022

കൊട്ടാരക്കര എസ്.ജി കോളേജില്‍ എസ്.എഫ്.ഐക്കാരുടെഗുണ്ടാ വിളയാട്ടത്തില്‍ കെ.എസ്.യു പ്രവര്‍ത്തകര്‍ക്ക് ക്രൂരരമായമര്‍ദ്ദനമേറ്റു. അക്രമത്തിന് നേതൃത്വം നല്‍കിയ എസ്.എഎഫ്.ഐ നേതാക്കള്‍ക്കെതിരെ വധശ്രമത്തിന് കേസെടുക്കണമെന്ന് കൊടിക്കുന്നില്‍ സുരേഷ് എം.പി ആവശ്യപ്പെട്ടു. മര്‍ദ്ദനത്തില്‍ കെ.എസ്.യു യൂണിറ്റ് പ്രസിഡന്‍റ് ഇജാസിന് മുഖത്തും കണ്ണിനും ചെവിക്കും ഗുരുതരമായ പരുക്കേറ്റു. പ്രാഥമിക പരിശോധനയില്‍ ചെവിക്ക് കേള്‍വിക്കുറവുള്ളതായി കാണുന്നു. ഒരു കണ്ണ് ഇടിച്ചു ചതച്ചു.
കെ.എസ്.യു യൂണിറ്റ് വൈസ്പ്രസിഡന്‍റ് കൂടിയായ വിദ്യാര്‍ത്ഥിനിയായ ജ്യോത്സനയെ ഒരു പെണ്‍കുട്ടിയാണെന്നുള്ള പരിഗണന പോലും നല്‍കാതെയാണ് മര്‍ദ്ദിച്ചത്. അടിവയറ്റില്‍ ചവിട്ടേറ്റ വിദ്യാര്‍ത്ഥിനിയെ സ്കാനിംഗിന് വിധേയയാക്കി. കെ.എസ്.യു പ്രവര്‍ത്തകനായ ജസ്റ്റിനും അതി ക്രൂരമായ മര്‍ദ്ദനത്തിനിരയായി.എസ്.എഫ്.ഐ ഏരിയാ സെക്രട്ടറിയുടെ നേതൃത്വത്തിലുള്ള എസ്.എഫ്.ഐ ഗുണ്ടാ സംഘമാണ് ആക്രമണം നടത്തിയത്. 20 ഉം 23 ഉം വയസ്സുള്ളവരെ റീ അഡ്മിഷന്‍ നല്‍കി കോളേജില്‍ എസ്.എഫ്.ഐ വളര്‍ത്തുന്ന കൊടും ക്രിമിനലുകളാണ് ആക്രമണത്തിന് പിന്നിലെന്ന് കൊടിക്കുന്നില്‍ സുരേഷ് ആരോപിച്ചു.
പുതിയ കുട്ടികളെ ഭയപ്പെടുത്തി തങ്ങളോടൊപ്പം നിര്‍ത്തുക, അല്ലാത്തവരെ റാഗിംഗ് നടത്തി ഭീഷണിപ്പെടുത്തുക, ഇതാണ് കൊട്ടാരക്കര കോളേജില്‍ നടന്നു വരുന്നത്. ഈ മാസം രണ്ടാമത്തെ ആക്രമണമാണ് എസ്.എഫ്.ഐ കെ.എസ്.യുക്കാര്‍ക്ക് നേരേ നടത്തുന്നത്. അക്രമികളെ സഹായിക്കുന്ന നടപടിയാണ് കോളേജ് അധികൃതരുടേയും പോലീസിന്‍റെയും ഭാഗത്തുനിന്നും ഉണ്ടായിക്കൊണ്ടിരിക്കുന്നതെന്ന് എം.പി പറഞ്ഞു. എസ്.എഫ്.ഐ ഏരിയാ സെക്രട്ടറി ഉള്‍പ്പടെ പട്ടാപ്പകല്‍ വിദ്യാര്‍ത്ഥിനികള്‍ ഉള്‍പ്പടെയുള്ള കുട്ടികളെ ക്രൂരമായി മാരകായുധങ്ങള്‍ ഉപയോഗിച്ച് മര്‍ദ്ദിച്ചതില്‍ വധശ്രമത്തിന് കേസെടുക്കണമെന്നും അക്രമികളെ കോളേജില്‍ നിന്നും പുറത്താക്കണമെന്നും കൊടിക്കുന്നില്‍ സുരേഷ് എം.പി ആവശ്യപ്പെട്ടു. അല്ലാത്ത പക്ഷം കോണ്‍ഗ്രസ്സ് പാര്‍ട്ടിയുടെ നേതൃത്വത്തില്‍ ശക്തമായ സമരത്തിന് നേതൃത്വം നല്‍കുമെന്ന് അദ്ദേഹം മുന്നറിയിപ്പ് നല്‍കി.

About Author

asianmetronews

asianmetronews

Related Articles

0 Comments

No Comments Yet!

There are no comments at the moment, do you want to add one?

Write a comment

Write a Comment