നെടുമങ്ങാട്: പട്ടി കടിച്ച് പേവിഷബാധയ്ക്കെതിരേ വാക്സിനെടുത്ത് ചികിത്സയിലായിരുന്ന പെൺകുട്ടി കുഴഞ്ഞുവീണു മരിച്ചു. ആനാട് മൂഴി പെരുംകൈത്തോട് വീട്ടിൽ സത്യശീലന്റെയും സതീഭായി അമ്മയുടെയും മകൾ അഭിജ(24) ആണ് മരിച്ചത്.
അഭിജയെ ഒന്നര മാസം മുൻപാണ് പട്ടി കടിച്ചത്. മൂന്ന് വാക്സിനും എടുത്തിരുന്നു. ഏറ്റവും അവസാനം ചിങ്ങം ഒന്നിന് തിരുവനന്തപുരം മെഡിക്കൽ കോളേജിൽനിന്നാണ് വാക്സിൻ പെൺകുട്ടി സ്വീകരിച്ചത്. ചൊവ്വാഴ്ച രാവിലെ തല പെരുക്കുന്നുവെന്ന് അഭിജ അമ്മയെ അറിയിച്ചിരുന്നു.
ഗുരുതരമല്ലാത്തതിനാൽ ഇക്കാര്യം ഗൗരവമായി എടുത്തില്ല. പുറത്തുപോയ അമ്മ തിരികെവന്നപ്പോൾ അഭിജ ബോധംകെട്ട സ്ഥിതിയിലായിരുന്നു.
ഉടനെ തിരുവനന്തപുരം മെഡിക്കൽ കോളേജ് ആശുപത്രിയിൽ പ്രവേശിപ്പിച്ചെങ്കിലും രക്ഷിക്കാനായില്ല.