എഴുകോൺ : ചില്ലറ വിൽപ്പനക്കായി കൈവശം വച്ച 3.435 ഗ്രാം MDMA യുമായി എഴുകോൺ പെരിനാട് പാലക്കടവ് മിദൂൻ ഭവനം വീട്ടിൽ മിലൻ എം ജോർജ് എന്ന യുവാവിനെ കഴിഞ്ഞ ദിവസം എഴുകോൺ എക്സൈസ് അറസ്റ്റ് ചെയതു. എഴുകോൺ എക്സൈസ് റേഞ്ച് ഇൻസ്പെക്ടർ ജി. പോൾസന്റെ നേതൃത്വത്തിലുള്ള സംഘമാണ് MDMA കണ്ടെടുത്തത്. MDMA ചെറു പൊതികളിലാക്കി വില്പന നടത്തുന്നതായിരുന്നു രീതി. 250 ഓളം ആളുകൾക്ക് ഉപയോഗിക്കാൻ അളവിലുള്ള മയക്കു മരുന്നാണ് യുവാവിന്റെ പക്കൽ ഉണ്ടായിരുന്നത് സ്കൂൾ കോളേജ് വിദ്യാർത്ഥികൾക്കു വിൽപ്പന നടത്താനായി കൊണ്ടുവന്ന MDMA യാണ് പിടിച്ചെടുത്തത്. എഴുകോൺ എക്സൈസ് ഇൻസ്പെക്ടർ ജി. പോൾസൺ നേതൃത്വത്തിലുള്ള സംഘത്തിൽ പ്രിവന്റീവ് ഓഫീസർ N ബിജു , സിവിൽ എക്സൈസ് ഓഫീസർമാരായ ശരത്ത് PS, ശ്രീജിത്ത് മിരാൻഡ, എവേഴസൺ ലാസർ, സിദ്ദു, വനിതാ സിവിൽ എക്സൈസ് ഓഫീസർ സൂര്യ, ഡ്രൈവർ നിതിൻ എന്നിവർ പങ്കെടുത്തു.