പുനലൂർ : പുനലൂരിൽ സ്വകാര്യ ലോഡ്ജ് കേന്ദ്രീകരിച്ച് പണം വച്ച് ചീട്ടുകളിച്ച എട്ട് പേര് അടങ്ങുന്ന സംഘത്തെ പുനലൂർ പോലീസ് അറസ്റ്റ് ചെയ്തു. നെല്ലിപ്പള്ളിയിലെ സ്വകാര്യ ലോഡ്ജ് കേന്ദ്രീകരിച്ചായിരുന്നു ചീട്ടുകളി. വാളക്കോട് ചരുവിളവീട്ടിൽ പ്രകാശ് (45), പത്തനാപുരം അജിത് ഭവനത്തിൽ അനുരാജ് വി.ആർ (43), മുസവാരികുന്ന് ചരുവിളപുത്തൻവീട്ടിൽ രാജു (56), പനങ്ങാട് അൽഫിയാ മൻസിലിൽ താഹ ഹുസൈൻ (50), പത്തനാപുരം ബിന്ദുരാജ് ഭവനത്തിൽ ബിന്ദുരാജ് (49), ടി.ബി. ജംഗ്ഷൻ വാളക്കോട് കുഴിയിൽ വീട്ടിൽ നജീം (50), തേവർകുന്ന് ഷാജഹാൻ മൻസിലിൽ ഷാജഹാൻ (44), വാളക്കോട് രാജമന്ദിരത്തിൽ രാജീവ് (40) എന്നിവരെയാണ് അറസ്റ്റ് ചെയ്തത്. പോലീസ് റെയ്ഡിൽ ഇവരിൽ നിന്ന് 13000ത്തോളം രൂപയും കണ്ടെടുത്തിട്ടുണ്ട്. പിടിയിലായവരിൽ ചിലർ മുൻപും ഇതേ കേസിൽ പുനലൂരിൽ നിന്ന്തന്നെ പോലീസിന്റെ പിടിയിൽ ആയിട്ടുള്ളവരാണ്. ജില്ലാ പോലീസ് മേധാവിക്കു കിട്ടിയ രഹസ്യ വിവര
ത്തിന്റെ അടിസ്ഥാനത്തിൽ ആണ് പുനലൂർ പോലീസ് ഇവരെ ലോഡ്ജിൽ നിന്നും പിടികൂടിയത്. പുനലൂർ എസ്.ഐ ഹരീഷ്, എസ്.ഐ ജീസ് മാത്യു, എ.എസ്.ഐ കിഷോർ, സി.പി.ഒ മനോജ്, സി.പി.ഒ അജീഷ്, സി.പി.ഒ രഞ്ജിത്ത് എന്നിവർ ചേർന്നാണ് ചീട്ടുകളി സംഘത്തെ അറസ്റ്റ് ചെയ്തത്.
